Առօրյայում վազելինն արդյունավետ օգտագործելու 10 միջոց. tert.am

Շատերի համար վազելինը խիստ սահմանափակ դեպքերում օգտագործվող քսուկ է, որի օգտակար հատկությունների, ինչպես նաև տարատեսակ նպատակների համար կիրառման մասին քչերը գիտեն:
 
Healthy Food Team կայքը շտկում է իրավիճակը` առաջարկելով վազելինի ամենօրյա օգտագործաման 10 արդյունավետ միջոց:

1. Փափկեցրե՛ք չորացած կոպերը վազելինի միջոցով:
 
2. Եղունգի լաքի կափարիչն առանց ավելորդ դժվարության կբացվի, եթե կափարիչի ներսի հատվածին մի քիչ վազելին քսեք:

3. Եթե չեք ցանկանում, որպեսզի շրթներկը արտատպվի ատամներին, ապա դրանց վրա մի քիչ վազելին քսեք:
 
4. Քնելուց առաջ թարթիչներին վազելին քսեք և դրանք զգալի կերկարեն:

5. Օծանելիքի բույրն առավել երկար պահպանելու համար պարանոցին վազելին քսեք:

6. Մազերը ներկելուց առաջ ճակատի ու մազերի եզրագծին վազելին քսեք, որպեսզի ներկը մաշկը չկեղտոտի:
 
7. Ոտքերը սափրելուց հետո մաշկը կարելի է փափկեցնել վազելինով:
 
8. Այս քսուկից կարելի է հիանալի սկրաբ ստանալ` դրա մեջ ավելացնելով ծովի աղ:

9. Շրթունքներն առավել փափուկ դարձնելու համար ամեն օր վազելին քսեք:

10. Եթե դժվարանում եք ականջողը փակված անցքի մեջ մտցնել, ապա կրկին դիմեք վազելինի օգնությանը:

Հարցեր, պատասխաններ, մեկնաբանություններ