Մեքենայի ապակիները «քրտնում» են.

Ապակիները կարող են «քրտնել», երբ դրսի և ներսի ջերմաստիճանները կտրուկ տարբերվում են, և ներսում գոլորշի է առաջանում, որի պատճառով անհնարին է դառնում մեքենա վարել, ու ստիպված անհրաժեշտություն է առաջանում ամեն 10 րոպեն մեկ սրբել դրանք։ Խորհուրդ է տրվում սովորական բամբակե գուլպայի մեջ լցնել կատվի հիգիենիկ ավազ (հոտը և հեղուկները ներծծող ավազ), որը կլանում է մեքենայի մեջ գտնվող խոնավությունը։ Տեղադրեք այն մեքենայի դիմացի հատվածում։

Ինչպես արագ սառեցնել գազավորված ըմպելիքը

Երբ ցանկություն է առաջանում արագ սառը գազավորված ըմպելիք խմել, ապա անհրաժեշտ է ափսեի մեջ լցնել մի քանի գդալ աղ, ջուր և շատ սառույց, ապա խառնել։ Աղը ջրի ջերմաստիճանն օգնում է ցածր պահել։ Երբ ամեն ինչ պատրաստ է, մեկ րոպեով տեղավորեք ըմպելիքի տարան ջրի մեջ, ապա զգուշորեն խառնեք և ևս մեկ րոպե սպասեք։ Առավելագույնը 2 րոպեում +24°C ջերմաստիճանով ըմպելիքը կարող է հասնել մինչև +5°C-ի։

Ինչպես կտրել լոլիկները՝ առանց մատները վնասելու և լոլիկի հյութը թափվելու

Վերցրեք փոքրիկ լոլիկները, շարքով դասավորեք ափսեի մեջ և ծածկեք մեկ այլ ափսեով։ Ափսեների միջակայքում առաջացած խորշով անցկացրեք սուր դանակով, և լոլիկները հավասար երկու մասի կբաժանվեն։

Պատրաստել մոմ նարնջի կեղևից

Վերցրեք մեկ նարինջ, կտրեք այն երկու մասի, ապա հեռացրեք միջուկն այնպես, որ կեղևն ամբողջական մնա։ Լցրեք դրա մեջ ձիթապտղի յուղ և վառեք սպիտակավուն հատվածը։ Ուշադրություն՝ սովորական ձեթը, կարագը կամ այլ տեսակի ձեթեր կարող են բռնկվել, օգտագործեք միայն ձիթապտղի յուղ։

Ինչ անել, երբ ձեռքի տակ լուցկի չկա

Եթե ցանկանում եք վառել գազօջախը, սակայն նյարդայնանում եք ամեն անգամ մատներն այրելու վտանգից, ապա օգնության կգա սովորական սպագետիի ձողիկը։ Վառեք ձողիկը, ապա գազօջախը վառեք ձողիկով, այն բավական հեռավորություն է ապահովում և չի վնասի ձեր ձեռքերը։