Ծոմապահությունը մի շարք հիվանդություններ է կանխարգելում. հետազոտություն. tert.am

Օրական երեքանգամյա սննդից հրաժարվելը և ժամանակ առ ժամանակ օրվա կեսը ծոմ պահելը ո'չ միայն կօգնեն պայքարելու ավելորդ քաշի դեմ, այլև կանխարգելիչ միջոցներ են ժամանակակից մի շարք հիվանդությունների դեպքում։

Ինչպես տեղեկացնում է lenta.ru-ն, խոսքը մասնավորապես վերաբերում է շաքարային դիաբետին, քաղցկեղին, Ալցհեյմերի հիվանդությանը և սրտանոթային հիվանդություններին։ 

Այս թեմայով հետազոտությունը ներկայացվել է Proceedings of the National Academy of Sciences ամսագրում։

Ժամանակակից աշխարհում օրական երեքանգամյա սնունդը էվոլյուցիայի առումով այդքան էլ բնական չէ, քանի որ անցյալում մարդը կանոնավոր կերպով չի սնվել և երկար ժամանակ առանց սնունդ ընդունելու մտածելn ու գործելը եղել է բնականոն։

Գիտնականներն առաջարկում են շաբաթն առնվազն 2-3 անգամ մինչև 500 կալորիա մթերք օգտագործել և մի քանի անգամ ընդհանրապես հրաժարվել նախաճաշից։

Հարցեր, պատասխաններ, մեկնաբանություններ