Խորհուրդներ՝ խոհանոցը մանրէներից զերծ պահելու մասին. news.am

Գիտեի՞ք, որ խոհանոցը կարող է հիվանդության պատճառ դառնալ, քանի որ այնտեղ տարատեսակ՝ առողջությանը վնաս պատճառող մանրէներ կարող են բնակություն հաստատել, զգուշացնում է FoxNews-ը:

Ստորեւ մի քանի խորհուրդներ ենք ներկայացնում առ այն, թե ինչպես կարելի է խոհանոցը մաքուր եւ անվտանգ պահել:

• Եթե տեսնում եք, որ սպունգը մաքրությամբ չի փայլում, հարկավոր է անմիջապես սպասք լվացող մեքենայի օգնությամբ ախտահարել այն: Կամ էլ՝ տաք ջրի մեջ սպիտակեցնող հեղուկով մաքրել:
  
  
• Մի քանի սպունգ օգտագործեք. յուրաքանչյուրը՝ կոնկրետ գործողության համար:
  
  
• Եթե սպունգը մաշվել է՝ անմիջապես նորով փոխարինեք այն:
  
  
• Սննսամթերքի, մասնավորապես՝ մսամթերքի տարբեր տեսակների մշակման համար առանձին խոհանոցային տախտակ օգտագործեք:
  
  
• Խոհանոցի տախտակի վրա հում միս դնելուց հետո հարկավոր է ողողել այն՝ սալմոնելայի հնարավոր հետքերից ազատվելու համար:
  
  
• Ուտելիքի մնացորդները երկու ժամվա ընթացքում սառնարանը դրեք:
  
  
• Եթե նախընթաց ընթրիքից մնացած ուտելիքը տաքացնելու մտադրություն ունեք, անպայման ջերմաչափին հետեւեք՝ համոզվելու համար, որ առնվազն 75 աստիճան ջերմության է հասել, որի պայմաններում մանրէների մեծ մասը չեն կարող գոյատեւել:
  
  
• Ուտելիքի մնացորդները երեք օրից ավել մի պահեք:
  
  
• Սառեցված սննդամթերքը տաք ջրի մեջ մի դրեք. նման պայմաններում մանրէները բազմանալու հրաշալի հնարավորություն են ստանում: Ուտելիքի պատրաստումը նախօրոք պլանավորեք՝ նախորդ օրվանից սառեցված սննդամթերքը հարկավոր է սառնարան իջեցնել:

Հարցեր, պատասխաններ, մեկնաբանություններ