ՆԱՆԵ. Ջուրը և նրա գաղտնիքները («Տաճար առողջության» գրքից)

Եվ, փաստորեն, մարդը, որը կազմված է հիմնականում ջրից, պետք է որ նույնքան զգայուն լինի արտաքին ազդեցությունների նկատմամբ և փոփոխվի նույն կերպ։

Մեզ համար կենսական նշանակություն ունեցող ջուրը շատ գաղտնիքներ ունի և վերջին տարիներին գիտնականներից շատերն են փորձում բացահայտել դրանք։  Բոլորիս է հայտնի, որ ջուրը միակն  է բնության մեջ, որ հանդիպում է նյութի երեք վիճակներով, և դեռ իր շատ հատկություններով էլ հակասում է ֆիզիկայի օրենքներին։  Բայց միայն վերջերս բացահայտվել է նաև, որ ջուրը խիստ արտասովոր սուպերմոլեկուլից է կազմված, դա նրան հնարավորություն է տալիս փոխվել արտաքին ազդակներից` լինի դա քիմիական, մեխանիկական, ինֆորմացիոն/ միտք, երաժշտություն, աղոթք, որևէ արտասանված խոսք…/ և նաև պահել այդ հիշողությունը։

Ճապոնացի գիտնական Էմոտո Մասառուն սառեցնելով ջուրը և միկրոսկոպի տակ դիտելով առաջացած բյուրեղները, նույնպես եկել է այն եզրակացության, որ ջուրը ռեակցիա է տալիս շրջապատող միջավայրին. նա կարծես տեսնում է, լսում, հասկանում…  Մարդու էներգետիկ վիբրա-ցիան` մտքերը, խոսքը, երաժշտությունը ազդում են ջրի մոլեկուլյար կազմության վրա։ Մասառուն համեմատել է տարբեր տեղերից վերցրած ջրերի սառեցված կաթիլները. կեղտոտված ջրի բյուրեղները ստացվել են անկանոն, քաոսային, իսկ մաքուր աղբյուրի ջրինը` գեղեցիկ ձևավորված։ Մ. Էմոտոն ուսումնասիրել է նաև երաժշտության ազդեցությունը ջրի վրա։ Պարզվել է, որ ջուրը հրաշալի լսում և հիշում է այն, իսկ նրա բյուրեղները արտահայտում են երաժշտության բնույթը, նրա թողած տպավորությունը ջրի վրա։ Բեթհովենի, Բախի, Շոպենի երաժշտության տակ ձևավորվել են սիմետրիկ, նրբակազմ բյուրեղներ, իսկ ծանր ռոքից` անձև ու տգեղ։ Էմոտոն պարզել է, որ ագրեսիվ ռոք երաժշտությունը քայքայում է ջրի կառուցվածքը։ Այնուհետև փորձերն արվել են ջրի վրա մարդկային էմոցիաների ազդեցությունը պարզելու համար։ Նա տարբեր բառեր է կամ արտասանել  կամ գրած կպցրել ջրով լցված տարային, իսկ ժամեր անց նկարել է դրանց բյուրեղները. Արդյունքն ապշեցուցիչ է եղել։  Ջուրը բացասական իմաստով խոսքերին պատասխանել է ` տձև կառուցվածքով, իսկ դրականին` գեղեցիկ փաթիլներով։ Պարզվել է, որ սերը բարձրացնում է ջրի էներգետիկան, իսկ ատելությունը, զայրույթը` այն խիստ իջեցնում են։ Նաև ապակե տարաների մեջ ջրի հետ լցված բրինձն է նույն պատասխանը տվել տարբեր էմոցիաների։  Այն բրինձը, որին ամեն օր նա ասել է «շնորհակալություն», հրաշալի վիճակում է մնացել,  մյուսը, որին ասել է « հիմար»` սևացել է,  իսկ անտարբերության մատնվածը` սկսել է նեխել։

Ուսումնասիրվել է նաև օրհնված ջուրը և նույն տեղից վերցված սովորա-կանը։ Սովորական ջրի բյուրեղները անձև մի պատկեր են եղել, մինչդեռ սուրբ ջուրը բյուրեղացել է գեղեցիկ աստղի տեսքով։ Հետաքրքիրն այն է, որ սուրբ ջրի 10 գրամն անգամ, երբ ավելացրել են մոտ 60 լիտր սովորական ջրին, այն ևս փոխվել է և վերածվել սուրբ ջրի։ Սուրբ ջուրը բուժիչ է և չի փչանում; Հնում ամենաանբուժելի հիվանդությունները բուժել են սուրբ ջրով։

Եվ, փաստորեն, մարդը, որը կազմված է հիմնականում ջրից, պետք է որ նույնքան զգայուն լինի արտաքին ազդեցությունների նկատմամբ և փոփոխվի նույն կերպ։ Դա իրոք այդպես է և կատարվում է բջջային մակարդակով, ծրագրավորվում է նույնիսկ ԴՆԹ-ն, ընդհուպ մինչև նրա քայքայումը։ Այսինքն, մեր օրգանիզմում եղած ջրի ծրագրավորումն էլ հենց հանդիսանում է հիվանդությունների պատճառ։ Եվ մենք ազդում ենք մեր մտքերով ոչ միայն մեր օրգանիզմի վրա, այլև շրջապատի, մեզ շրջապատող մարդկանց վրա։ 

Արևելքի բժշկության մեջ շատ հնուց է օգտագործվում ջրի այդ հատկությունը։ Այնտեղ բժիշկն ուղղակի առողջության մաղթանքով և բարի խոսքերով դիմում է հիվանդի անառողջ օրգանին։ Եվ այդ օրգանը` իր մեջ  պարունակվող ջրի օգնությամբ ընդունելով ինֆորմացիան, փոխում է իր կազմությունը և սկսում առողջանալ։

Գիտնականներն ապացուցել են նաև, որ ջուրը պահում է իր կապը մարդու հետ նաև հեռավորության վրա ընդհա-նուր էներգոինֆորմացիոն դաշտով։  Այդ նույն ընդհանուր էներգետիկ դաշտով ջուրը իր մեջ է պահում մոլորակի վրա կատարվող բռնություննե-րի, պատերազմների հիշողությունը,  և այդ ինֆորմացիոն աղտոտվածությունը չի կարող իր հետադարձ ազդեցությունը չունենալ մեզ վրա։

Ահա թե ինչպիսի սերտ կապ և փոխազդեցություն կա  հոգևոր և նյութական աշ-խարհի միջև։ Եվ աղոթքը, մեղեդային հաճելի երաժշտությունը ազդելով մեր մեջ պարունակվող ջրի վրա, կարող են վերականգնել մեր օրգանիզմի իմունիտետը, օրգան-սիստեմների գործունեությունը։

Բնականաբար մեր ընդունած ջրի և քանակը, և որակը նույնպես շատ կարևոր են  մեզ համար։  Օրվա մեջ, եթե հակացուցում չկա /այտուցներ …/, հատկապես շոգ ժամանակ, ջրի օգտագործումը պետք է շատ լինի։ Օրինակ, յոգերը օրվա ընթացքում նորմա են համարում երկու լիտր ջուր խմելը։ Բայց ահա ջրի որակը վերահսկելը, ցավոք սրտի,  հիմնականում մեզնից չի կախված։ Շատ քչերը հիմա բախտ ունեն օգտվել բնական աղբյուրներից, մեծ մասամբ մենք ստիպված ենք լինում օգտագործել ծորակից հոսողը, վստահենք, թե` ոչ նրա մաքրությանը։  Իսկ վաճառքի համար առաջարկվող մաքուր ջուրը հենց միայն այն պատճառով, որ պահվում է պլաստիկե շշերի մեջ` արդեն մաքուր լինել չի կարող, ժամանակի ընթացքում  այն ավելի ու ավելի է շշից քիմիական թույներ կլանում իր մեջ,  հատկապես` տաքության ազդեցությամբ։
Տարբեր ձևերով  փորձեր են արվել և արվում ջրի որակը լավացնելու համար։  Որոշ սարքերով հնարավոր է ստանալ ջրի նոր որակ` կենդանի ջուր, որի ազդեցությամբ բույսերը և կենդանիները ավելի լավ են աճում, և անգամ այդ ջրով թխված հացը երկար է մնում և այլն։

Շատ դեպքերում ջրի մաքրման համար այն եռացնում են, ճիշտ է, դա  ոչնչացնում է բակտերիալ ֆոնը, բայց մյուս կողմից հեռացնում է թթվածինը, այն դարձնելով մեռյալ ջուր և մետաղների աղերն էլ չեն հեռանում։ Ջրի մաքրման և որակի լավացման համար հիանալի միջոց է այն սառեցնելը, դրանից հետո այն կարելի է հալեցնել և օգտագործել, բայց մի փոքր սառույց թողնելով, քանի որ այդ վերջին մասում կուտակվում են վնասակար նյութերը։

 Ջուրը վնասազերծում են նաև բնական քարերը, որոշ մետաղներ։  Օրինակ, շունգիտ բնական ապարը, կամ կրեմնիան` օգտագործվող ջրի մեջ մեկ-երկու օր թողնելուց հետո այդտեղ ոչնչանում են բակտերիաները, ջուրը նաև մաքրվում է թույներից,, դեռ ավելին, այդպիսի ջուրը բուժիչ հատկություններ է ձեռք բերում։  Ջուրը մաքրող և օրգանիզմի վրա լավ ներգործող հատկություն ունեն նաև ոսկին և արծաթը։  Երեկոյան որևէ արծաթե կամ ոսկե իր կարելի է դնել ջրով լի բաժակի մեջ և առավոտյան խմել այն։

Բայց, կրկին հիշեցում. ջրի որակը լավացնող լավագույն միջոցը հոգևոր մաքրությունն է` և մարդու ներսում, և նրա շրջապատում։

Հարցեր, պատասխաններ, մեկնաբանություններ