Med-Practic
Նվիրվում է վաստակաշատ ուսուցիչ Գրիգոր Շահյանին

Իրադարձություններ

Հայտարարություններ

Մեր հյուրն է

Հրատապ թեմա

Առողջ ապրելակերպի հիմունքները

Տնական մթերք առաքում Երևանում
 

Համընդհանուր մաքրում

Համընդհանուր մաքրում

Օրգանիզմը մաքրելն այսօր բավական նորաձև զբաղմունք է: Իզուր չէ, որ «Google»-ը չորս միլիոն էջ է հատկացնում այս թեմային: Հայտարարություններն «Էստի համեցեք» են կանչում՝ «Խմի՛ր ինձ», «Կե՛ր ինձ», «Օրգանիզմից հեշտությամբ դուրս ենք բերում շլակներն ու տոքսինները»։ Արդյոք իրականում մեր օրգանիզմին համընդհանուր մաքրո՞ւմ է հարկավոր, թե՞ շլակների մասին բոլոր պատմությունները հորինված են:

 

Մնացորդային նյութ

 Նախ և առաջ պարզենք, թե ինչ է շլակը: Այս հասկացությունը եկել է մետալուրգիայի և շինարարության ոլորտից: Բառացիորեն այն նշանակում է վառարաններում պինդ վառելանյութի այրման արդյունքում առաջացող մնացորդ։ Ներկայումս նորաձև բժշկական տերմինին նման բացատրություն է տալիս Օժեգովի բառարանը: Սակայն նշենք, որ տերմինն այնքան էլ բժշկական չէ: Ավելի ճիշտ, ավանդական բժշկությունը մասամբ ընդունում է նրա գոյության իրավունքը, բայց դիմում է դրան շատ հազվադեպ: Իսկ ահա տարատեսակ ոչ ավանդական կիսաբժշկական մեթոդիկաների կողմնակիցներն անչափ սիրում են խոսել շլակերի մասին, ասես դրանք կեղտ, լորձ ու ինչ-որ հրեշավոր արտաթորանքի կույտեր լինեն, որ առկա են մեր օրգաններում և ենթակա են անհապաղ հեռացման:

 

Մեր օրերում ապրող յուրաքանչյուր մարդու օրգանիզմում իրոք կուտակվում են տարատեսակ թափոն ու անգամ թույներ, որոնց գոյացումը պայմանավորված է ինչպես արտաքին, այնպես էլ ներքին գործոններով: Բայց արդյոք դրանք վերոհիշյալ շլակե՞րն են և արդյոք ենթակա՞ են օրգանիզմից հեռացման նորաոճ մեթոդիկաների օգնությամբ:

 

Մեգապոլիսում բնակվող և արտանետումային գազեր շնչող, ծխող, ոչ ճիշտ սնվող յուրաքանչյուր բնակիչ սպառում է էկոլոգիապես վնասակար նյութեր, պեստիցիդներ և հերբիցիդներ: Համաձայն մետալուրգիական տերմինաբանության՝ դրանք շլակներ չեն, քանի որ նյութափոխանակության մնացորդային նյութեր չեն: Ավելի պարզ ասած՝ ծանր մետաղների աղերը և տարաբնույթ քիմիական «կեղտը» մեր օրգանիզմ են թափանցում դրսից և հաճախ այստեղ էլ մնում են: Հոգնաների և խոտաբույսերի միջոցով դրանց դուրս բերելն անհնար է: Անհրաժեշտ են լուրջ և ժամանակակից գիտական մեթոդիկաներ:

 

Ինչ վերաբերում է այն օգուտին, որ մարդն ինքը կարող է բերել իրեն, միջոցները հանրահայտ են` հաճախակի զբոսանքներ մաքուր օդին, պահածոյացված մթերքների քանակի նվազեցում ճաշացանկում, ֆիլտրված ջրի օգտագործում:

 

Եթե խոսքը ներքին «շլակների» մասին է, որոնք, իբր, առկա են և՛ աղիներում, և՛ լյարդում, և՛ լեղապարկում, հարմար է տոքսին անվանումը, իսկ դրանց հեռացումով զբաղվում է հենց ինքը՝ օրգանիզմը: Դա տեղի է ունենում լիմֆատիկ (ավշային) համակարգի գործունեության արդյունքում` թոքերի և մեզի միջոցով: Նյութափոխանակության արդյունքում առաջացած թունավոր նյութերը խցանվում են օրգանիզմում, երբ խաթարված է մեկ կամ մի քանի ներքին օրգանների աշխատանքը:

 

Օրինակ՝ ոչ ճիշտ սնվելը դանդաղեցնում է մետաբոլիկ գործընթացները, աղիները դժվարությամբ են դուրս բերում տոքսինները: Արդյունքում սրվում են մարդկանց խրոնիկական հիվանդությունները: Համաձայնի՛ր, որ դրանցից ազատվելու համար անհրաժեշտ է որակյալ բուժօգնություն, իսկ ժողովրդական բուժամիջոցներ՝ ոչ մի դեպքում:

 

Այսպիսով, ինքնուրույն մաքրողական պրոցեդուրաների նշանակումները ոչ միայն չեն օգնի «հիվանդին», այլև կարող են լուրջ վնաս հասցնել նրա առողջությանը:

 

Զգո՛ւյշ, մաքրո՜ւմ են

 

Գոյություն ունեն օրգանների «մաքրման» անհամար մեթոդիկաներ` սովորական շոգեբաղնիքից մինչև ծանր և բազմաքանակ հոգնաները: Դժբախտաբար, վերջին տարիներին ավելացել է մարդկանց քանակը, ովքեր ստիպված են դիմել բժիշկների օգնությանը նման պրոցեդուրաների սխալ կատարումից հետո: Օրինակ՝ լյարդի «մաքրման» ամենատարածված միջոցներից մեկը ձիթապտղի յուղից և կիտրոնի հյութից ստացված խառնուրդի օգտագործումն է: Այդ միջոցը վաղուց հայտնի է ավանդական բժշկությանը «տյուբաժ» անվամբ և օգտագործվում է լյարդի և լեղապարկի ծորանները մաքրելու նպատակով: Բայց որոշումն այն մասին, որ քեզ անհրաժեշտ է նման պրոցեդուրա, կարող է ընդունել միայն բժիշկը, քանի որ տյուբաժն ուժեղացնում է լեղիի շարժը լեղապարկում, ինչը կարող է բացասաբար անդրադառնալ նրա աշխատանքի վրա:

 

Ինքնաբուժումը և ինքնամաքրումը քաղցի միջոցով չափազանց վտանգավոր են, ինչպես և համառորեն գովազդվող «կախարդական» հաբերը, կենսաբանորեն ակտիվ հավելանյութերը և լուծույթները: Լավագույն դեպքում դրանք կունենան լուծողական և միզամուղ ազդեցություն, վատագույն դեպքում կխաթարեն աղիների և երիկամների աշխատանքը:

 

Այսօր լայնորեն տարածված մաքրողական հոգնաներն ու հիդրոքոլոնոթերապիան բնավ էլ անվնաս չեն: Աղիներում առկա լորձը (որ բոլորը ջանում են լվանալ), իրականում նորմալ է առողջ մարդու համար: Ոչ մի «շլակ» աղիներում չկա, իսկ հոգնան կոպիտ միջամտություն է նրա աշխատանքին: Արդյունքում լվացվում է աղիների միկրոֆլորան, և մեծանում է դիսբակտերիոզի վտանգը: Նման պրոցեդուրաների արդյունքում աղիները ծուլանում են և դադարում գործել, իսկ դա բերում է պարբերական տանջալի փորկապության. ինքդ մտածիր, էլ ի՞նչ մաքրում: Բացի դրանից, պետք է գիտակցել, որ հոգնաների միջոցով հնարավոր է մաքրել միայն ուղիղ աղիքը, որն ընդամենը 15-20 սմ է (համեմատի՛ր աղիների ընդհանուր երկարության հետ, որը կազմում է 6-8 մ): Բանն այն է, որ բարակ աղիքի և հաստ աղիքի միջև կա կափույրի դեր կատարող անատոմիական գոյացություն, որն անց է կացնում աղիների պարունակությունը միայն բարակ աղիքից դեպի հաստ աղիք, բայց հակառակ ուղղությամբ՝ ոչ մի դեպքում: Այդ իսկ պատճառով անհնար է լվանալ բարակ աղիքը հետանցքից մտցված զոնդի օգնությամբ: Իսկ ֆիզիոլոգիայի տեսանկյունից բարակ աղիքը շատ ավելի կարևոր է, քան հաստ աղիքը:

 

Ուրեմն պետք է լավ հիշել, որ հոգնաներն իրապես ցուցված են միայն երկու դեպքում` բժշկական հետազոտության (օրինակ՝ քոլոնոսկոպիայի) նախօրեին, կամ եթե անհրաժեշտ է մաքրել աղիները վիրահատությունից առաջ կամ հետո:

 

Իսկ ի՞նչ է կարելի

 

Տոքսինները դուրս բերելու թերևս ամենաանվտանգ և մատչելի միջոցը բաղնիքի տաք գոլորշին է: Քրտինքն իսկական հավաքարարի պես դուրս է բերում վնասակար նյութերը, որոնց թվում են և օրգանիզմի գործունեության հետևանքով գոյացած թափոնանյութերը, կուտակված քիմիական աղբը և ծանր մետաղների աղերը: Ազդեցությունը կուժեղանա, եթե բաղնիք գնալուց մեկ օր առաջ ինտենսիվ մերսում, իսկ բուն պրոցեդուրայի ընթացքում մաշկի օճառային մերսումներ կատարես գոլորշու յուրաքանչյուր չափաբաժնից առաջ, ինչպես նաև խոտաբույսերից պատրաստված մեղրով թեյ խմես: Բայց հաշվի՛ առ, որ բաղնիքը բարերար ազդեցություն ունի ոչ բոլորի վրա: Մի շարք հիվանդությունների դեպքում (նևրոլոգիական, սրտանոթային, օնկոլոգիական) բաղնիքը հակացուցված է, ուրեմն խորհրդակցի՛ր բժշկիդ հետ:

 

Ինչ վերաբերում է սեփական աղիներիդ ինքնուրույն օգնություն ցուցաբերելուն, խորհուրդը մեկն է և քաջ հայտնի՝ ճիշտ սննդակարգ: Քեզ ծանր և անդուր հոգնաներով տանջահար անելու փոխարեն կերակրացանկիդ մեջ բջջանյութ պարունակող հնարավորինս շատ միրգ ու բանջարեղեն ներառիր: Պերիստալտիկան կկարգավորվի, և օրգանիզմն ինքնուրույն կսկսի դուրս բերել վնասակար նյութերը: Բացի այդ, կնվազի քաշդ, և դու իրոք կսկսես քեզ ավելի լավ զգալ:

 

Միգուցե քեզ զարմացնի, բայց ժամանակակից ավանդական բժշկությանը չի մտահոգում շլակների դուրսբերման խնդիրը: Այսօր շատ ավելի սուր է դրված մի այլ հարց` վիտամինների և էլեմենտների պակասությունը թուլացած, վատառողջ մարդու օրգանիզմում: Միջոցն այս դեպքում էլ անփոփոխ է` ճիշտ սննդակարգ, ինչպես նաև հատուկ վիտամինային կոմպլեքսներ, որոնց կարիքն ունի ամեն երկրորդ քաղաքաբնակը, մասնավորապես տարվա ցուրտ եղանակի նախաշեմին: 

 

Իհարկե, վատ չէր լինի հավատալ, որ արագ մաքրումը սպեղանի է բոլոր հիվանդությունների դեպքում, բայց մենք հո գիտենք, որ առանց ջանքերի ոչինչ չի տրվում: Իսկ դո՞ւ ինչ կարծիքի ես:

Սկզբնաղբյուր. cosmo.am
med-practic.com կայքի ադմինիստրացիան տեղեկատվության բովանդակության համար

պատասխանատվություն չի կրում
Loading...
Share |

Հարցեր, պատասխաններ, մեկնաբանություններ

Կարդացեք նաև

Ինչպե՞ս է կենսակերպն ազդում կրծքագեղձի քաղցկեղի առաջացման ռիսկի վրա. oncology.am
Ինչպե՞ս է կենսակերպն ազդում կրծքագեղձի քաղցկեղի առաջացման ռիսկի վրա. oncology.am

Հետազոտություններն ապացուցում են, որ քաղցկեղի շատ տեսակների զարգացումը կապված է սննդակարգի, ֆիզիկական ակտիվության և քաշի հետ: Եվ, չնայած քաղցկեղի որոշ տեսակների համար (արգանդի պարանոցի, քիթըմպանի, միզապարկի և այլ քաղցկեղների...

Ուռուցքաբանություն
Մի փիլիսոփա ասել է.«Ես որոշեցի երջանիկ դառնալ, որովհետև դա օգտակար է առողջության համար». facebook.com/tachararoghjutyan/
Մի փիլիսոփա ասել է.«Ես որոշեցի երջանիկ դառնալ, որովհետև դա օգտակար է առողջության համար».  facebook.com/tachararoghjutyan/

Ընդհանրապես պետք է սովորություն դարձնել դժվարություններին վերաբերվել թեթև և թույլ չտալ, որ դրանք մինչև վերջ թափանցեն հոգու խորքերը, որովհետև ամենածանր իրավիճակն էլ անցողիկ է և ի վերջո ժամանակի ընթացքում մոռացվում է, բայց այն...

Ես
Որքա՞ն է Ձեր բիոլոգիական տարիքը
Որքա՞ն է Ձեր բիոլոգիական տարիքը

Օրգանիզմի մորֆոլոգիական և ֆիզիոլոգիական զարգացումը ներկայացնում է մարդու բիոլոգիական տարիքը: Սա բժշկական տեղեկատուներում է ձևակերպված: Իսկ դա նշանակում է, որ տարիքի մասին միայն կարելի է խոսել առաջնորդվելով օրգանիզմի վիճակից...

Ես
Քայքայվող կենսապոլիմերներ
Քայքայվող կենսապոլիմերներ

Վերջին ժամանակներում ամենատարբեր իրավիճակներում կարելի է հանդիպել «բիո» կամ «կենսա» նախածանցը, որը կարծես երաշխիք է, որ ապրանքն անվտանգ է բնության և մարդու համար...

Հրատապ թեմա Աշխարհում
«Օդի վիտամիններ»
«Օդի վիտամիններ»

Մարդն իր գիտակցության մեջ վիտամինները զուգորդում է պտուղ-բանջարեղենի, մթերքի կամ դեղատնից գնված վիտամինային հաբերի հետ: Սակայն գոյություն ունեն նաև աչքի համար ոչ տեսանելի, առանց համի ու հոտի վիտամիններ...

Օգտակար խորհուրդներ
«Մարդն ամենից հաճախ հիվանդանում է ալարկոտությունից ու ժլատությունից». Նիկոլայ Ամոսով. 168.am
«Մարդն ամենից հաճախ հիվանդանում է ալարկոտությունից ու ժլատությունից». Նիկոլայ Ամոսով. 168.am

Նիկոլայ Ամոսովը հայտնի վիրաբույժ է, ով դադարել է վիրահատություններ կատարել 78 տարեկանում։ Econet.ru-ն գրում է, որ նա մահացել է 89 տարեկանում։ Ուսումնասիրել է առողջության, երկարակեցության հետ կապված հարցեր...

ՀՀ ԱՆ. Գաջեթների կիրառության չարաշահումը հարված է առողջ ապրելակերպի սկզբունքներին
ՀՀ ԱՆ. Գաջեթների կիրառության չարաշահումը հարված է առողջ ապրելակերպի սկզբունքներին

Հեռահաղորդակցության էլեկտրոնային պարագաները (գաջեթներ` հեռուստացույց, պլանշետ, սմարթֆոն և այլն) մեծ նշանակություն ունեն թե գործնական կյանքում, թե պարզապես կենցաղում: Արդեն անհնար է պատկերացնել մեր առօրյան...

Քաղցկեղը վախենում է առողջ կենսակերպից. oncology.am
Քաղցկեղը վախենում է առողջ կենսակերպից. oncology.am

Անընդհատ խոսվում է առողջ կենսակերպի մասին, սակայն քչերն են նրան հետևում. չէ՞ որ առողջ կենսակերպը ներառում է ո՛չ միայն ալկոհոլից և նիկոտինից հրաժարվելը: Այն ներառում է նաև ճիշտ սնվելու սովորությունը...

Ուռուցքաբանություն
10 վտանգավոր սովորություններ, որոնք դանդաղորեն վնասում են ուղեղը. 1in.am
10 վտանգավոր սովորություններ, որոնք դանդաղորեն վնասում են ուղեղը. 1in.am

newsyou.info-ն ներկայացնում է 10 վտանգավոր սովորություններ, որոնք դանդաղորեն վնասում են ուղեղը...

Օգտակար խորհուրդներ
Տարբեր բնույթի զբաղմունքների համար օրվա ամենահարմար ժամերը. news.am
Տարբեր բնույթի զբաղմունքների համար օրվա ամենահարմար ժամերը. news.am

գիտնականները հայտնել են, թե որոնք է օրվա ամենահարմար ժամերը տարբեր բնույթի զբաղմունքների համար, լինի դա երեխա սաղմնավորելը, բժշկի գնալը, թե սպորտով զբաղվելը, հայտնում է Vaccine-ը, հաղորդում է «Միր»-ը...

Ինչպես խուսափել քրոնիկ հիվանդությունների գարնանային սրացումից. 1in.am
Ինչպես խուսափել քրոնիկ հիվանդությունների գարնանային սրացումից. 1in.am

Սովորաբար, գարնանը բնորոշ է քրոնիկ հիվանդությունների սրացում, գրում է healthyliving.com.ua-ը: Ավանդաբար ինքնազգացողության գարնանային վատացման հիմնական գործոնների թվում նշվում է...

Թերապիա
10 բան, որոնք խլում են օրգանիզմի ուժերը. 1in.am
10 բան, որոնք խլում են օրգանիզմի ուժերը. 1in.am

Քրոնիկ հոգնածությունը ժամանակակից մարդկանց հիվանդությունն է: Կան բաներ, որոնք ուղղակի խլում են մարդու ուժերը: Ստորև ներկայացնում ենք դրանցից 10-ը...

Քաղցկեղից պաշտպանվելու 10 պարզ միջոց. 1in.am
Քաղցկեղից պաշտպանվելու 10 պարզ միջոց. 1in.am

Ըստ Առողջապահության համաշխարհային կազմակերպության տվյալների` հաջորդ երկու տասնամյակների ընթացքում քաղցկեղով հիվանդների թիվն աշխարհում կմեծանա 70 տոկոսով: Ներկայում ամենամահաբերը տղամարդկանց շրջանում...

Օրը լավ սկսելու 9 սովորություն առավոտյան. 1in.am
Օրը լավ սկսելու 9 սովորություն առավոտյան. 1in.am

healthinfo.ua-ն ներկայացնում է առավոտյան 9 սովորություն կյանքը դեպի լավը փոխելու համար...

10 ոսկե կանոն, որոնք կօգնեն ապրել 100 տարի. 1in.am
10 ոսկե կանոն, որոնք կօգնեն ապրել 100 տարի. 1in.am

Healthinfo.ua-ը ներկայացնում է 10 ոսկե կանոն, որոնք կօգնեն ապրել 100 տարի...

Ծերություև և երկարակեցություն

ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ