Լինել սեքսուալ՝ չի նշանակում առողջ լինել, կամ` վտանգավոր ներքնազգեստ

Ժամանակակից աշխարհում յուրաքանչյուր աղջիկ փորձում է հակառակ սեռի համար ինչքան հնարավոր է գրավիչ երևալ: Եվ դա տարօրինակ չէ, չէ՞ որ, ինչպես ցույց են տալիս  աշխարհի վիճակագրությունները, կանայք կազմում են բնակչության մեծամասնությունը, ի տարբերություն տղամարդկանց:

Այդ պատճառով էլ նրանց հետ դերերով փոխվելու անհրաժեշտություն է առաջանում, դառնում են նվաճողներ, իսկ տղամարդիկ զոհի դերում են հանդես գալիս:

Սեքսուալ լինելու համար աղջկան բավական չէ միայն լավ տեսք ուենալ, հիանալի դեմքի գույն, հիասքանչ մազեր և շատ այլ առավելություններ: Դրա հետ մեկտեղ մենք բոլորս ցանկանում ենք նորաձև և ոճային հագնվել: Եթե միայն այդ կանոնը վերաբերեր արտաքին հագուստին, դժբախտության միայն կեսը կլիներ, բայց նորաձևությունը հասել է նաև ներքնազգեստին: Ինչու՞մ է կայանում ստրինգերի, կիսավարտիք-շորտերի, ձգված կիսավարտիքների և կրծկալների վտանգը: Եկեք պարզաբանենք:

Լոս-Անջելեսում գինեկոլոգ Լայզա Մասթերսոնը երկար ժամանակ ուսումնասիրել է կիսավարտիքների ազդեցությունը կանանց առողջության վրա և եկել այն եզրակացության, որ գործնականում սեքսուալ ներքնազգեստը վնասում է օրգանիզմին: Ավելի ուշ նրա հետ համաձայնել են այլ բժիշկ-գինեկոլոգներ: Ցավոք, արդեն ուշ էր, քանի որ ստրինգային նորաձևությունը գրավել էր ողջ աշխարհը: Ամենավնասակարը ձգված կիսավարտիքներն են, դրանք խախտում են արյան բնական շրջանառությունը, որը կարող է հանգեցնել անպտղության կամ այլ պտղաբերական օրգանների վրա վնասակար ազդեցությունների: Դրանք կրել, այնուամենայնիվ, կարելի է, բայց ոչ ավելի քան օրվա մեջ 5 ժամ, ընդ որում ոչ ամեն օր, այլ հատուկ դեպքերում:

Այնուհետև, ըստ վնասակարության աստիճանի, հաջորդում է բոլորի կողմից սիրված ստրինգերը: Եթե առանց ստրինգերի կյանքը ձեզ համար անտանելի է, ապա այստեղ կա ընտրության հնարավորություն: Եթե ընտրել ստրինգեր` ետևից բարակ թելիկով, այդ դեպքում դուք էականորեն նվազ վնաս եք հասցնում ձեր առողջությանը, որը չի կարելի ասել լայն և ձգվող ժանյակե շորտիկների համար: Նման ներքնազգեստը ճնշում է և հանգեցնում տարբեր հիվանդությունների. որպես հետևանք կարող է առաջացնել թութք, որը, համաձայնեք, շատ բարձր գին է գրավիչ տեսքի համար: Կիսավարտիք-շորտերը, թվում է, չեն ձգում, բայց դրանցում թաքնվում է մեկ այլ վտանգ: Նրանք ձգում են ինտիմ գոտու չափազանց մեծ հատված, որով անմիջականորեն խախտում են բնական օդափոխությունը, որի հետևանքով էլ առաջանում է կաթնախտ և տհաճ հոտեր:

Առանց բացառության, բոլոր վերոնշյալ տարբերակներին միավորում է մեկ այլ թերություն` նրանց պատրաստման համար օգտագործված նյութը:  Սեքսուալ  և նորաձև ներքնազգեստների 98%-ը կարվում են արհեստական և այլ քիմիական նյութերից պատրաստված կտորներից, որոնք արգելակում են օդի մուտքը և դրանով իսկ նպաստում խոնավ և տաք միջավայրի ստեղծմանը, իսկ դա, ինչպես հայտնի է, դրախտային պայման է միկրոօրգանիզմների համար:

Հաջորդ խիստ քննարկվող կանացի ատրիբուտը կրծկալն է: Նրանց բոլոր տեսակները շուրջօրյա կրելու դեպքում վտանգավոր են: Բժիշկները խորհուրդ են տալիս հանել գոնե քնի ժամանակ: Ամենավտանգավոր համարվում են «ոսկրիկներով» և կուրծքը բարձրացնող կրծկալները: Ոսկրիկներով կրծկալը լրացուցիչ ճնշում է կրծքի ներքին հատվածը, իսկ այնտեղ, ինչպես հայտնի է, կան մեծ քանակությամբ անոթներ և ավշային հանգույցներ, իսկ ոչ ճիշտ ընտրված  ոսկրիկների ձևերը փոխում են ձեր կրծքի բնական ձևը: Ոսկրիկներով և բարձրացնող կրծկալները սպառնում են կաթնագեղձի քաղցկեղի և այլ չարորակ գոյացությունների ձևավորմանը:

Ճնշող ներքնազգեստը անտանելի է կրելու համար: Եթե մեկուկես ժամից ձեզ մոտ փոսվիկներ առաջանան մեջքի շրջանումա, թևատակերում կամ ուսակապերից` ուսերի վրա, շտապ փոխեք կամ թուլացրեք հատուկ կարգավորիչների օգնությամբ: Մի ծուլացեք հոգ տանել ձեր կանացի գեղեցկության հետ նաև առողջության մասին, քանի դեռ ուշ չէ, չէ՞ որ տարիների ընթացքում այն այսպես թե այնպես կորչում է…

Հարցեր, պատասխաններ, մեկնաբանություններ