Med-Practic
Նվիրվում է վաստակաշատ ուսուցիչ Գրիգոր Շահյանին

Իրադարձություններ

Հայտարարություններ

Մեր հյուրն է

Հրատապ թեմա

Առողջ ապրելակերպի հիմունքները

Տնական մթերք առաքում Երևանում
 

Արագ սննդի և առողջ ապրելակերպի մասին

Արագ սննդի և առողջ ապրելակերպի մասին

Արագ սննդի և առողջ ապրելակերպի մասին ֆիթնեսի, խաղի և առողջության միաձուլումը մեր երկրում հետաքրքրության նոր ալիք է արթնացրել: Արագության այս դարում անփոխարինելի տեղ ունի արագ սնունդը։ Եվ սա ավելի քան բնական է, եթե հաշվի առնենք այն հանգամանքը, որ այն հայտնի ու տարածված է եղել դեռևս Հին Հռոմում:

 

Պատմությունը վկայում է, որ Հին Հռոմում մինչ անհիշելի ժամանակները գործում էին, այսպես ասած, արագ սննդի կետեր, իսկ ամենատարածված ճաշատեսակը խմորիչով պատրաստված հացն էր` մերօրյա իտալական պիցցայի նախատիպը:

Հիշեցնենք, որ արագ սննդի արտադրությունը սկսվել է ԱՄՆ-ում 1920-ական թթ. ։ Դեռևս այդ  ժամանակ առաջին արագ սննդի ընկերության` «White castle»-ի հնարամիտ ղեկավարին հայտնի էր դրա վնասակարությունը, և միայն  նրա խորամանկ քայլը մոռացնել տվեց արագ սննդի վտանգի հետ կապված կասկածները: Խոսքը սպիտակ խալաթավոր վարձու մարդկանց  ներկայության մասին է արագ սննդի կետերում, ինչը տպավորություն էր ստեղծում, թե հենց բժիշկներն են օգտվում արագ սննդից:

Հասարակությունը, ժամանակ չունենալով, նախընտրում է օգտվել արագ սննդից, որը նաև մատչելի է, բայց այս «արժանիքների» կողքին արագ սնունդն առանձնանում է նաև վնասակար ազդեցությամբ. ճարպակալում, շաքարային դիաբետ, սրտանոթային և այլ հիվանդություններ, ընդհուպ մինչև քաղցկեղ: Արագ սննդից հիմնականում օգտվում են դեռահասներն ու համալսարանականները: Վերջիններիս համար այս տարբերակը առավել քան շահավետ է, գրպանը չի տուժում, և ամենակարևորը` սնունդը հրամցվում է շատ արագ:

Այս  խորապատկերում հետաքրքրական է Երևանի ու մարզերի տարբեր համայնքներում բացված ֆիթնեսի ու տարատեսակ մարզախաղերի առատության փորձը:

Դեռևս ամիսներ առաջ մայրաքաղաքի մի շարք բակերում տեղադրված մարզասարքերը մեծ հետաքրքրություն և պահանջարկ են վայելում թե՛ երեխաների, թե՛ մեծահասակների և թե՛ նույնիսկ արտասահմանցիների շրջանում:

Ավան համայնքի 60-ամյա բնակչուհի տիկին Արմենուհին ամեն օր իր 8-ամյա թոռնիկին բերում է վերջերս թարմացված խաղահրապարակ և թոռան հետ մարզասարքերով մարզվում: «Ճիշտ է, մեր բակում միշտ էլ եղել են խաղահրապարակներ, սակայն այս մարզասարքերը հետաքրքիր, հաճելի և օգտակար նորամուծություն են: Երեխաներն էլ, մեծերն էլ մշտապես օգտվում են, շատ հաճախ մարզասարքերի մոտ հերթեր են գոյանում: Այսպես երեխաներն իրենց համար նոր զբաղմունք են գտել և առավել արդյունավետ ու օգտակար են անցկացնում ժամանակը բակում»,- ասում է տիկին Արմենուհին:

«Ֆիզիկական կուլտուրա» առարկան դասավանդող տիկին Նահապետյանը կարծում է, որ  մեր օրերում բավական լուրջ քաղաքականություն է տարվում ֆիզկուլտուրայի և սպորտի զարգացման գործում, և պատահական չէր մայրաքաղաքի բակերում մարզասարքերի տեղադրումը: «Սպորտն ինձ համար մի ամբողջ կյանք է: Ուրախ եմ, որ մենք հնարավորություն ունենք անվճար օգտվելու այս սարքերից: Երևանում հրաշալի ակումբներ կան, բայց դրանք ամեն մեկի գրպանի համար չեն: Ես պետք է միայն ողջունեմ այսօրինակ նախաձեռնությունները:  Դրանք հրաշալի հնարավորություն են տալիս երեխաներին, նաև մեծահասակներին` մարզելու մկանները,- նշում է տիկին Նահապետյանը, որ ամեն օր հաճախում է բակ ու մարզվում:- Առավոտյան ամուսնուս ու երեխաներիս հետ ենք գալիս: Պատահում են նաև դեպքեր, որ երեխաներն իրար հերթ չեն տալիս: Սարքերը շատ գունազարդ ու գեղեցիկ են, դա է պատճառը, որ գրավում են երեխաներին, իսկ մեծահասակներն էլ անտարբեր չեն անցնում»:

Նահապետյանը երբեմն նաև ստիպված է լինում մարզվողներին խորհուրդներ տալ, քանի որ շատ հաճախ թե՛ երեխաները, թե՛ մեծահասակները ընդամենը օգտվելու տարրական կանոններն էլ չգիտեն: «Սկզբունքորեն ես միշտ էլ հետևում եմ, թե երեխաներն ինչպես են մարզվում: Պահը բաց չեմ թողնում և շատ հաճախ նաև ուղղում եմ: Դե, կան երեխաներ, որոնք լուրջ չեն վերաբերվում, շատերն էլ հաջորդ անգամ, երբ տեսնում են ինձ, ասում են, որ այսպես ավելի լավ է, արդյունք ստանում են: Մեծահասակներն էլ են երբեմն դիմում ինձ, չնայած նրանք շատ «տարված» չեն այս մարզասարքերով»,- ասում է տիկին Նահապետյանը:

Մասնագիտությամբ թարգմանչուհի, 35-ամյա Դիանա Սարգսյանը արդեն երկու տարի է, ինչ ամուսնու, 10-ամյա որդու և 6-ամյա դստեր հետ հաճախում է Երևանի մարզասրահներից մեկը, որտեղ շաբաթական 3 անգամ մի քանի ժամով մարզվում են և լիցքաթափվում: «Մենք մարզական ընտանիք ենք և ժամանակ առ ժամանակ հաճախում էինք լողի, իսկ արդեն անցյալ տարվանից քաղաքի առաջատար մարզասրահներից մեկից տարեկան փաթեթներ ենք վերցնում, որոնց արժեքը մեկ անձի համար կազմում է մոտ 1000 դոլար, և ավելի հաճախակի ենք այցելում մարզասրահ` օգտվելով այնտեղ տրամադրվող տարբեր ծառայություններից»,- ասում է Դիանա Սարգսյանը` ավելացնելով, որ մարզասրահ այցելություններն ապահովում են իր և իր ընտանիքի առույգությունն ու առողջությունը:

Հոգեբանական գիտությունների թեկնածու Վահրամ Բաբայանն էլ ասում է, որ սպորտով և առողջ ապրելակերպով հետաքրքրվողների թվի ավելացումը կապում է վերջին տարիներին պրոֆեսիոնալ սպորտում Հայաստանի ունեցած հաղթանակների հետ: Նրա կարծիքով` դեր ունի նաև Արևմուտքից ներթափանցած հերթական «նորամուծությունը»: «Մեր երկրի հավաքականների վերջին մարզական հաջողությունները, իհարկե, սկսել են ոգևորել մարդկանց: Մարդիկ ավելի ու ավելի են հասկանում, որ ավելի լավ է մարզվելով պահել առողջությունը, քան հետո դիմել դեղահաբերի օգնությանը: Մյուս կողմից էլ կարծում եմ, որ սա նորաձևության պես մի բան է, և շատերը պարզապես չեն ուզում հետ մնալ մյուսներից և միայն դրա համար են հաճախում մարզասրահ»,- ասում է Վահրամ Բաբայանը:

Չինացի Յոն Կիմին և նրա կինը` Կան Օնյուգան, արդեն 2 տարի է, ինչ ապրում են Հայաստանում և ամեն օր հաճախում են Արաբկիր վարչական շրջանի մոտակայքում գտնվող հրապարակ: «Ես ու կինս ամեն առավոտ` լուսաբացին, հաճախում ենք այստեղ: Սկզբում մի լավ վազում ենք, երբեմն հեծանվով զբոսնում, բայց անպայման օգտվում ենք այս սարքերից: Հաճախ մեզ երևանցիները հարցուփորձ են անում, բայց, ցավոք, չենք հասկանում, թե ինչ են հարցնում: Դե, միայն ես եմ անգլերեն խոսում, իսկ կնոջս հետ շփվում ենք մեր մայրենի լեզվով»,- ասում է Յոնը:

Նա ասում է, որ այս մշակույթը շատ ավելի հեռուներից է գալիս, և եթե մարդը ցանկանում է առողջ ապրելակերպ ունենալ,  անպայման պետք է ամեն առավոտ վազքով զբաղվի: «Երբեմն պատահում են երիտասարդներ, որոնք գալիս են մարզվելու, բայց այդ ընթացքում հասցնում են մի քանի գլանակ ծխել: Առողջ ապրելակերպի նախապայմանը նաև չծխելն է»,-վստահեցնում է նա ու հավատացնում, որ երբեք ո՛չ ինքը, ո՛չ էլ իր կինը չեն ծխել:

Հետևենք օրինակելի ընտանիքի բաղադրատոմսին, այն է` փորձել չծխել, ամեն առավոտ մարզվել, և չօգտվել արագ սննդի ծառայություններից:

Հեղինակ. Միքայել ԱՀԱՐՈՆՅԱՆ
Սկզբնաղբյուր. ankakh.com
med-practic.com կայքի ադմինիստրացիան տեղեկատվության բովանդակության համար

պատասխանատվություն չի կրում
Loading...
Share |

Հարցեր, պատասխաններ, մեկնաբանություններ

Կարդացեք նաև

Ինչպե՞ս է կենսակերպն ազդում կրծքագեղձի քաղցկեղի առաջացման ռիսկի վրա. oncology.am
Ինչպե՞ս է կենսակերպն ազդում կրծքագեղձի քաղցկեղի առաջացման ռիսկի վրա. oncology.am

Հետազոտություններն ապացուցում են, որ քաղցկեղի շատ տեսակների զարգացումը կապված է սննդակարգի, ֆիզիկական ակտիվության և քաշի հետ: Եվ, չնայած քաղցկեղի որոշ տեսակների համար (արգանդի պարանոցի, քիթըմպանի, միզապարկի և այլ քաղցկեղների...

Ուռուցքաբանություն
Մի փիլիսոփա ասել է.«Ես որոշեցի երջանիկ դառնալ, որովհետև դա օգտակար է առողջության համար». facebook.com/tachararoghjutyan/
Մի փիլիսոփա ասել է.«Ես որոշեցի երջանիկ դառնալ, որովհետև դա օգտակար է առողջության համար».  facebook.com/tachararoghjutyan/

Ընդհանրապես պետք է սովորություն դարձնել դժվարություններին վերաբերվել թեթև և թույլ չտալ, որ դրանք մինչև վերջ թափանցեն հոգու խորքերը, որովհետև ամենածանր իրավիճակն էլ անցողիկ է և ի վերջո ժամանակի ընթացքում մոռացվում է, բայց այն...

Ես
Որքա՞ն է Ձեր բիոլոգիական տարիքը
Որքա՞ն է Ձեր բիոլոգիական տարիքը

Օրգանիզմի մորֆոլոգիական և ֆիզիոլոգիական զարգացումը ներկայացնում է մարդու բիոլոգիական տարիքը: Սա բժշկական տեղեկատուներում է ձևակերպված: Իսկ դա նշանակում է, որ տարիքի մասին միայն կարելի է խոսել առաջնորդվելով օրգանիզմի վիճակից...

Ես
Քայքայվող կենսապոլիմերներ
Քայքայվող կենսապոլիմերներ

Վերջին ժամանակներում ամենատարբեր իրավիճակներում կարելի է հանդիպել «բիո» կամ «կենսա» նախածանցը, որը կարծես երաշխիք է, որ ապրանքն անվտանգ է բնության և մարդու համար...

Հրատապ թեմա Աշխարհում
«Օդի վիտամիններ»
«Օդի վիտամիններ»

Մարդն իր գիտակցության մեջ վիտամինները զուգորդում է պտուղ-բանջարեղենի, մթերքի կամ դեղատնից գնված վիտամինային հաբերի հետ: Սակայն գոյություն ունեն նաև աչքի համար ոչ տեսանելի, առանց համի ու հոտի վիտամիններ...

Օգտակար խորհուրդներ
«Մարդն ամենից հաճախ հիվանդանում է ալարկոտությունից ու ժլատությունից». Նիկոլայ Ամոսով. 168.am
«Մարդն ամենից հաճախ հիվանդանում է ալարկոտությունից ու ժլատությունից». Նիկոլայ Ամոսով. 168.am

Նիկոլայ Ամոսովը հայտնի վիրաբույժ է, ով դադարել է վիրահատություններ կատարել 78 տարեկանում։ Econet.ru-ն գրում է, որ նա մահացել է 89 տարեկանում։ Ուսումնասիրել է առողջության, երկարակեցության հետ կապված հարցեր...

ՀՀ ԱՆ. Գաջեթների կիրառության չարաշահումը հարված է առողջ ապրելակերպի սկզբունքներին
ՀՀ ԱՆ. Գաջեթների կիրառության չարաշահումը հարված է առողջ ապրելակերպի սկզբունքներին

Հեռահաղորդակցության էլեկտրոնային պարագաները (գաջեթներ` հեռուստացույց, պլանշետ, սմարթֆոն և այլն) մեծ նշանակություն ունեն թե գործնական կյանքում, թե պարզապես կենցաղում: Արդեն անհնար է պատկերացնել մեր առօրյան...

Քաղցկեղը վախենում է առողջ կենսակերպից. oncology.am
Քաղցկեղը վախենում է առողջ կենսակերպից. oncology.am

Անընդհատ խոսվում է առողջ կենսակերպի մասին, սակայն քչերն են նրան հետևում. չէ՞ որ առողջ կենսակերպը ներառում է ո՛չ միայն ալկոհոլից և նիկոտինից հրաժարվելը: Այն ներառում է նաև ճիշտ սնվելու սովորությունը...

Ուռուցքաբանություն
10 վտանգավոր սովորություններ, որոնք դանդաղորեն վնասում են ուղեղը. 1in.am
10 վտանգավոր սովորություններ, որոնք դանդաղորեն վնասում են ուղեղը. 1in.am

newsyou.info-ն ներկայացնում է 10 վտանգավոր սովորություններ, որոնք դանդաղորեն վնասում են ուղեղը...

Օգտակար խորհուրդներ
Տարբեր բնույթի զբաղմունքների համար օրվա ամենահարմար ժամերը. news.am
Տարբեր բնույթի զբաղմունքների համար օրվա ամենահարմար ժամերը. news.am

գիտնականները հայտնել են, թե որոնք է օրվա ամենահարմար ժամերը տարբեր բնույթի զբաղմունքների համար, լինի դա երեխա սաղմնավորելը, բժշկի գնալը, թե սպորտով զբաղվելը, հայտնում է Vaccine-ը, հաղորդում է «Միր»-ը...

Ինչպես խուսափել քրոնիկ հիվանդությունների գարնանային սրացումից. 1in.am
Ինչպես խուսափել քրոնիկ հիվանդությունների գարնանային սրացումից. 1in.am

Սովորաբար, գարնանը բնորոշ է քրոնիկ հիվանդությունների սրացում, գրում է healthyliving.com.ua-ը: Ավանդաբար ինքնազգացողության գարնանային վատացման հիմնական գործոնների թվում նշվում է...

Թերապիա
10 բան, որոնք խլում են օրգանիզմի ուժերը. 1in.am
10 բան, որոնք խլում են օրգանիզմի ուժերը. 1in.am

Քրոնիկ հոգնածությունը ժամանակակից մարդկանց հիվանդությունն է: Կան բաներ, որոնք ուղղակի խլում են մարդու ուժերը: Ստորև ներկայացնում ենք դրանցից 10-ը...

Քաղցկեղից պաշտպանվելու 10 պարզ միջոց. 1in.am
Քաղցկեղից պաշտպանվելու 10 պարզ միջոց. 1in.am

Ըստ Առողջապահության համաշխարհային կազմակերպության տվյալների` հաջորդ երկու տասնամյակների ընթացքում քաղցկեղով հիվանդների թիվն աշխարհում կմեծանա 70 տոկոսով: Ներկայում ամենամահաբերը տղամարդկանց շրջանում...

Օրը լավ սկսելու 9 սովորություն առավոտյան. 1in.am
Օրը լավ սկսելու 9 սովորություն առավոտյան. 1in.am

healthinfo.ua-ն ներկայացնում է առավոտյան 9 սովորություն կյանքը դեպի լավը փոխելու համար...

10 ոսկե կանոն, որոնք կօգնեն ապրել 100 տարի. 1in.am
10 ոսկե կանոն, որոնք կօգնեն ապրել 100 տարի. 1in.am

Healthinfo.ua-ը ներկայացնում է 10 ոսկե կանոն, որոնք կօգնեն ապրել 100 տարի...

Ծերություև և երկարակեցություն

ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ