92 ցելյուլոզային սպունգերն ընդամենը 20 վայրկյանում կարող են կլանել կես լիտր արյուն. tert.am

Նորարարությունը, որը կոչվում է XStat, արտաքուստ նման է ներարկիչի: Այն առաջարկվում է օգտագործել արյունահոսության արագ դադարեցման համար: RevMedx  ընկերության մասնագետները պնդում են, որ XStat-ը կարող է կանգնեցնել արյունահոսությունն ընդամենը 20 վարկյանում: Սարքի օգնությամբ վերքի մեջ ներարկվում են 92 մանր սպունգեր, որոնք ուռչում են և դադարեցնում արյունահոսությունը՝ ձևավորելով յուրահատուկ «խտանյութ»: Սպունգները պատրաստված  են բջջանյութից և պատված են խիտոզանով (բնական պոլիամինոշաքար), որոնք կանխում են բակտերիալ վարակների զարգացումը:

Յուրաքանչյուր ներարկման ժամանակ սպունգը կարող է կլանել մոտավորապես կես լիտր արյուն, և կարելի է կատարել երեք այդպիսի ներարկում: Սպունգերը կարող են մնալ վերքի շրջանում մինչև չորս ժամ, որից հետո նրանք պետք է հեռացվեն:

XStat-ն արդեն օգտագործման հավանություն է ստացել Պարենի և դեղերի վերհսկման վարչության կողմից (FDA): FDA փորձագետներնը նշում են, որ նոր սարքն առաջարկվում է օգտագործել այն դեպքերում, երբ անհնար  է լարանի  օգտագործումը:

Հարցեր, պատասխաններ, մեկնաբանություններ