Իզմիրլյան բժշկական կենտրոնը՝ նաև միզաքարային հիվանդության գերազանցության կենտրոն. Արթուր Գրաբսկի

Իզմիրլյան բժշկական կենտրոնի ուրոլոգիական կլինիկան ընթանալով տարածաշրջանային առաջատարության ճանապարհով վերջերս ձեռք է բերել մեկ միլիոն ԱՄՆ դոլար արժողությամբ  միզաքարային հիվանդության և ուրոլոգիական այլ հիվանդությունների բուժման նորագույն տեխնոլոգիաներ, ներդրվել են էնդոսկոպիկ և լապարոսկոպիկ սարքեր, ինչպիսիք են Storz Medical-ը, Olympus-ը և Quanta Systems-ը:

Սարքավորումների  նորացման հիմնական բաղադրիչը MODULITH® SLX-F2 արտամարմնային հարվածալիքային լիտոտրիպսիայի (ESWL) սարքն է, որը միզային քարերի ոչ ինվազիվ քարափշրման  այն  միակ  տեղնոլոգիան է, որի միջոցով հնարավոր է  հարվածային ալիքները կիզակետել մինչև 180 մմ ներթափանցման խորությամբ:   Համակարգը կառավարվում է կենտրոնացված StorM-Touch հարթակի միջոցով և ունի կիզակետի չափերի ընտրման և հեռակառավարման հնարավորություններ: LithoPos® ներկառուցված համակարգը ապահովում է միզային քարերի   ինքնուրույն նշանառում  և դրանց լավագույն քարափշրում:

Փոխգործողությունների ամբողջացումը  DICOM կապող օղակի հետ թույլ է տալիս առավել արդյունավետ աշխատել հիվանդների մեծ հոսքի դեպքերում: Այս տեխնոլոգիաները թույլ են տալիս ուրոլոգիական կլինիկային ապահովել բուժառուների   բարձրորակ, ոչ ինվազիվ բուժում, ինչը հատկապես կարևոր է միզաքարային հիվանդությունների էնդեմիկ գոտում ապրող Հայաստանի Հանրապետության բնակչության համար։

Վերջերս ներդրվել են  Օլիմպուս ընկերակցության էնդոսկոպիկ և լապարոսկոպիկ սարքավորումներ, որոնց  4K տեսապատկերն ապահովում են հետազոտվող տեսադաշտերի պատկերների բացառիկ որակ, որն անգամ բաց վիրահատության տեսանելիությանն է  գերազանցում: Այս նորամուծությունն ևս հնարավորություն է տալիս նվազագույն ինվազիվ մեթոդներով և արդյունավետ կերպով բուժել ոչ միայն   շագանակագեղձի բարարորակ հիպերպլազիան և միզաքարային հիվանդությունը, այլև միզային համակարգի ուռուցքային   հիվանդությունները՝  միջազգային չափանիշներին համապատասխան:

 Կլինիկայի բուժսարքավորումների զինանոցը համալրվել է  նաև Quanta System ընկերության նոր Litho 35W հոլմիումի լազերով։ Լազերային այս սարքավորման   հավաք կառուցվածքը ապահովում է ճկունություն և օգտագործման հարմարավետություն։ Ալս ամենը կլինիկան դարձնում են տարածաշրջանում այն եզակի կլինիկաներից մեկը, որը հագեցած է նմանօրինակ բարձր տեխնոլոգիական սարքավորումներով,  միզային քարերի և լազերային մեթոդով բուժում  պահանջող այլ  հիվանդությունների  բուժման համար:

Սարքերի ձեռքբերմանը նվիրված շնորհանդեսին զրուցեցինք Իզմիրլյան ԲԿ ուրոլոգիական բաժանմունքի ղեկավար, ԵՊԲՀ Ուրոլոգիայի ամբիոնի պրոֆեսոր. Հայկական ուրոլոգիական ասոցիացիայի նախագահ, ՀՀ ԱՆ գլխավոր ուրոլոգ Արթուր Գրաբսկու հետ:

«Վերջին ամիսների ձեռքբերումների շնորհիվ «Իզմիրլյան բժշկական կենտրոնում բացվել է տարածաշրջանում առաջին Միզաքարային հիվանդության բուժման գերազանցության կենտրոնը, և այդ քայլով ոլորտում գրանցել մեծ առաջադիմություն: Վերջին ամսվա 3 տեսակի սարքերի ներդրումով կտրուկ բարձրացել է միզաքարային հիվանդության բուժման որակը, իսկ բուժման չափորոշիչներն ապահովում են միջազգային մակարդակ:

Դա իրավունք է տալիս խոսելու գերազանցության կենտրոնի մասին, ինչին նպաստում է նաև այն, որ ս/թ դեկտեմբերի 19-ին լրանում է բաժանմունքի հիմնադրման 20 տարին: Երկարամյա գործունեության ընթացքում միզաքարային հիվանդություններից բուժվող հիվանդների ընդհանուր քանակն անցել է քսան հազարը, ինչը մեծ թիվ է փորձառության համար այն դեպքում, երբ վիրաբուժության փորձագետի փորձառության հիվանդների ընդունված թիվը համարվում է 500-1000-ը:

Միզաքարային խնդիրներով բուժառուների բուժման առաջարկը պետք է թերի չլինի, քանի որ միզաքարային հիվանդությունը տարբեր դրսևորումներ ունի, և նրա բուժման համար պետք է ունենալ համակարգային մոտեցում:

Օրինակ, ընդունված կարծիք կա, որ հզոր քարափշրման սարքով հնարավոր է առկա քարի փշրման խնդիրը լուծել, սակայն փոքր քարի դեպքում դա այնքան էլ հարմար չէ և այլ մոտեցում է պետք, որի պատճառով ձեռք է բերվել էլիտար տեսողականությամբ /վիզուալիզացիայով/ սարք: Հարկ է ավելացնել նաև, որ մեծ քարի դեպքում պետք է նաև ապահովված լինել լազերով` քարը փշրելու և անվնաս հեռացնելու համար:

Ուստի, անգամ ոչ թե գերազանցության, այլ ընդամենը միջազգային չափորոշիչներ ապահովելու համար պետք է ունենալ բուժման համար անհրաժեշտ բոլոր սարքերը:

Այսուհետ, Գերազանցության կենտրոնում` նորագույն սարքերի ներդրումով, բուժառուներին կարող ենք առաջարկել բոլոր այն մեթոդները, որոնք պետք է կիրառվեն միզաքարային հիվանդությունների բուժման համար՝ բուժումը դարձնելով ավելի արագ, ավելի հզոր, ավելի անվնաս և արդյունավետ:

Այդ առիթով շնորհավորել է պետք  Իզմիրլյան ԲԿ-ին, առանձնապես` ուրոլոգիական բաժանմունքին, և մեր ազգաբնակչությանը»:

Հարցեր, պատասխաններ, մեկնաբանություններ