ԼՂՀ ԱՆ. Նախարար Բաղրյանն ընդունել է «Ակադեմիկոս Ս.Ավդալբեկյանի անվան առողջապահության ազգային ինստիտուտի» պատվիրակությանը.

ԱՀ առողջապահության նախարար Արայիկ Բաղրյանը  սեպտեմբերի 3-ին ընդունել է ՀՀ առողջապահության նախարարության «Ակադեմիկոս Ս.Ավդալբեկյանի անվան առողջապահության ազգային ինստիտուտի» պատվիրակությանը` տնօրեն Ալեքսանդր Բազարչյանի գլխավորությամբ:

Քննարկվել են հետագա համագործակցության, ինչպես նաև Արցախի առողջապահական համակարգի բժիշկ մասնագետների ու բուժքույրերի շարունակական վերապատրաստման իրականացման հետ կապված կազմակերպչական հարցեր:

Պայմանավորվածություն է ձեռք բերվել բժշկական օգնություն և սպասարկում իրականացնող մասնագետների վերապատրաստումը կազմակերպել տեղում` ՀՀ-ից ուղեգրված մասնագետների կողմից, առաջնահերթությունը տալով առաջնային օղակի բժիշկներին:

Հանդիպման ժամանակ Ալեքսանդր Բազարչյանն իր պատրաստակամությունն է հայտնել «Արցախի Հանրապետության առողջապահական վիճակագրական տարեգրքի» ստեղծման և լույս ընծայման հարցում:

Հարցեր, պատասխաններ, մեկնաբանություններ