ԵՊԲՀ. Նոր մագիստրոսական ծրագիրը կնպաստի բուժհաստատությունների կառավարման բարելավմանը

Հանրային առողջապահության ֆակուլտետի ուսումնական գործընթացքում «Բուժհաստատությունների կառավարում» մագիստրոսական կրթական ծրագրի ներդրման նպատակով այսօր ԵՊԲՀ-ն և «Մենեջմենթ Միքս» միջազգային կազմակերպությունը կնքեցին համատեղ հուշագիր:

Միջազգային չափանիշներին համապատասխան այս ծրագիրը նախատեսված է առողջապահության համակարգում առնվազն 3 տարի աշխատանքային փորձ ունեցող անձանց համար: Կլինեն 2 տարբեր ծրագրեր` նախատեսված անգլալեզու և հայալեզու լսարանի համար:

Ծրագիրը նախատեսված է `

• Բժիշկների
• Բուժ անձնակազմի
• Իրավաբանների
• Կառավարման, Տնտեսագետության, Ֆինանսական և Մարքեթինգի մասնագետների
• Ճարտարագետների
• ՏՏ ոլորտի մասնագետների
• Հոգեբանների, Սոցիոլոգների
• Այլ մասնագիտությունների

ԵՊԲՀ ռեկտոր Արմեն Մուրադյանի խոսքով՝ ծրագրի հիմքում ընկած է մեր երկրում «հոսպիտալ մենեջմենք» գաղափարի ներդրումն ու զարագացումը, ինչպես նաև առողջապահության կազմակերպիչների պատրաստումը, որի կարիքն առկա է առողջապահական համակարգում:

«Մենեջմենթ Միքս» ընկերության գործադիր տնօրեն Րաֆֆի Սեմերջյանն էլ ներկայացրեց տարբեր երկրներում աշխատանքի իրենց փորձը՝ ընդգծելով, որ համատեղ ջանքերով կյանքի կոչվող այս նախաձեռնությունն արդյունավետ համագործակցության սկիզբն է:

Կողմերը նշեցին, որ այս կարևոր փաստաթղթով սկիզբ ենք դնում նոր համագործակցության, որի արդյունքում կպատրաստվեն բժշկական կազմակերպությունների հմուտ կառավարիչներ, ինչն էլ իր հերթին որակապես նոր մակարդակի կհասցնի բուժհաստատությունների կառավարումը:

Հարցեր, պատասխաններ, մեկնաբանություններ