ՀՀ ԱՆ. Անկախության սերունդը ներկայացնում է ապագայի իր տեսլականը

Անկախության 25-ամյակին նվիրված միջոցառումների շրջանակում  Երիտասարդ բժիշկների հայկական ասոցիացիայի նախաձեռնությամբ և ՀՀ առողջապահության նախարարության աջակցությամբ մեկնարկեց  «Ապագայի բժշկություն. համատեղ հայացք համընդհանուր խնդրին» միջազգային 3-րդ տարեկան գիտաժողովը:

Ողջունելով մասնակիցներին` ՀՀ առողջապահության նախարարի տեղակալ Սերգեյ Խաչատրյանը կարևորեց, որ բազմաբնույթ մասնագիտական հարցերից զատ երիտասարդ բժիշկների համար օրակարգային են  բժշկական ծառայությունների որակի մշտական բարելավման, բուժաշխատողների մասնագիտական կրթության և շարունակական մասնագիտական զարգացման հարցերը։

Գիտաժողովի ընթացքում ներկայացվելու են անկախության տարիներին Հայաստանի առողջապահության համակարգի ձեռքբերումները,  քննարկվելու է ոլորտի զարգացման նոր տեսլականը:

Գիտաժողովի շրջանակում կանցկացվի նաև երիտասարդ մասնագետների կողմից ներկայացվող կլինիկական դեպքերի ներկայացման մրցույթ` «Ես եմ անկախության սերունդը» խորագրով:

Հարցեր, պատասխաններ, մեկնաբանություններ