Նախարար. Ամենակարևոր խնդիրը երեխաներին ընտանիքներում խնամելն է

Ամենակարևոր խնդիրը  երեխաներին ընտանիքներում խնամելն է: Այսօր Հայ օգնության միության կազմակերպած խորհրդաժողովում լրագրողների հետ զրույցում  ասաց  ՀՀ Աշխատանքի և Սոցիալական հարցերի նախարար Արտեմ Ասատրյանը` տեղեկացնելով նաև, որ իրականացվող ծրագրերն արդեն իսկ  տալիս են արդյունքներ:

Նախարարն ասաց, որ նպատակ կա  նաև զարգացնել սոցիալական աշխատողի դերը: «Պետական միջոցներով իրականացվում է ծրագիր, որի շրջանակներում 23 ընտանիքում խնամվում է 25 երեխա»,-ասաց  նախարարը: Նա նշեց նաև, որ իրականացվում է ցերեկային կենտրոնների զարգացման ծրագիրը, իսկ առաջիկա տարիների համար այս ծրագրերի զարգացումը կանխարգելիչ բնույթ կունենա:

Խոսելով մանկատան շրջանավարտների մասին` Ա. Ասատրյանը  նշեց, որ հոգեկան առողջական խնդիրներ ունեցող երեխաների համար կան հաստատություններ, չնայած կարիքն ավելի մեծ է, քան հնարավորությունները: «Շատ կարևոր է այլընտրանքային ծառայությունների ներդրումը, և հաջողված օրինակներ կան ՀԿ-ների հետ համատեղ համագործակցության շնորհիվ, երբ խնամքի կազմակերպումը իրականացվում է օրվա կտրվածքով, որից հետո ընտանիքներն իրենք են շարունակում այն»: 

Ինչ վերաբերում է մանկատան շրջանավարտներին բնակարաններով ապահովելուն, նախարարը  չի կարծում, որ հերթում գտնվող երեխաների խնդիրը պետք է լուծել`  մյուսներին տրված բնակարանները հետ վերցնելով:

Ներկայում, Ա. Ասատրյանի խոսքերով, նախարարության կողմից իրականացվում է սոցիալական բնակարանային ֆոնդի ձևավորման ծրագիր:

Հարցեր, պատասխաններ, մեկնաբանություններ