«Կովիկ»-ն արժանացավ «Առողջ սիրտ» պատվավոր նշանը կրելու իրավունքին

Այսօր Հայկական բժշկական ասոցիացիայի կողմից իրականացվող «Առողջ սնունդ` առողջ սիրտ» ծրագրի շրջանականերում «Աշտարակ Կաթ» ընկերության ցածր յուղայնությամբ «Կովիկ» ապրանքանիշն առաջինն արժանացավ այսուհետ իր փաթեթավորման վրա «Առողջ սիրտ» պատվավոր նշանը կրելու իրավունքին:

Այս մասնին տեղեկացնում են «Աշտարակ Կաթը» ընկերության մամուլի ծառայությունից` նշելով, որ «Կովիկ» ապրանքանիշի ընտրությունը կայացվել է ՀԲԱ-ի կողմից իրականացված մանրակրկիտ փորձաքննության և լաբորատոր զննումների արդյունքում:

Ծրագրին մասնակցության հայտ ներկայացրած բազմաթիվ հայրենական արտադրողներից հավաստագրի արժանացավ նաև «Բեկոն» ընկերության «Դոկտոր» ապրանքանիշը:

«Աշտարակ Կաթը» -ը շահագրգռված է, որպիսզի «Առողջ սիրտ» պատվավոր մակնշմանն արժանանան մեծ թվով ընկերություններ: Այդ մրցակցությունը կլինի միայն ու միայն ի օգուտ սպառողի:

Հարցեր, պատասխաններ, մեկնաբանություններ