Երևանի համայնքային ենթակայության մանկապարտեզները կգործեն անվճար

Երևանի ավագանին, նկատի առնելով 2011թ. բյուջետային հնարավորությունները, մարտի 15-ին տեղի ունեցած 5-րդ նստաշրջանի երկրորդ նիստում միաձայն հավանություն է տվել Երևանի քաղաքապետի նախաձեռնությամբ ավագանու հաստատմանը ներկայացված Երևան քաղաքի համայնքային ենթակայության բոլոր մանկապարտեզներն անվճար դարձնելու մասին հարցին։ Այս մասին տեղեկացնում են Երևանի քաղաքապետարանի մամուլի ծառայությունից։ 

Օրակարգային մեկ այլ հարցով Երևանի ավագանին միաձայն հավանություն է տվել նաև նվազագույն աշխատավարձի չափի փոփոխությամբ պայմանավորված՝ նախադպրոցական ուսումնական հաստատությունների աշխատակիցների աշխատավարձի բարձրացման հարցին։

Ավագանին միաձայն հավանություն է տվել Երևանի քաղաքապետարանի աշխատակիցների աշխատավարձերի բարձրացման հարցին։

Հարցեր, պատասխաններ, մեկնաբանություններ