Դաշնային խորհուրդը վավերացրել է ԱՊՀ-ում թմրանյութերի դեմ պայքարի կենտրոնի ստեղծման մասին համաձայնագիրը

«Դաշնային խորհուրդը չորեքշաբթի օրը վավերացրել է ՌԴ-ի և ԱՊՀ մի շարք երկրների միջև թմրանյութերի, հոգեմետ նյութերի անօրինական շրջանառության դեմ պայքարի Կենտրոնական Ասիայի տարածաշրջանային տեղեկատվական համակարգող կենտրոնի ստեղծման մասին համաձայնագիրը», - հաղորդում է «ՌԻԱ Նովոստին»։ 

ՌԴ, Ադրբեջանի, Ղազախստանի, Ղրղզստանի, Տաջիկստանի, Թուրքմենստանի և Ուզբեկստանի միջև համաձայնագիրը ստորագրվել է 2009 թվականի սեպտեմբերի 4-ին։ 

Փաստաթղթին համապատասխան՝ կենտրոնը թմրանյութերի անօրինական շրջանառության դեմ պայքարի մշտական գործող միջպետական մարմին է, որը նաև ապահովում է թմրանյութերի անօրինական շրջանառության հետ կապված անդրսահմանային հանցավորության վերաբերյալ տեղեկատվության հավաքում, պահում, պահպանում, վերլուծություն և փոխանակում։ Կենտրոնը գտնվում է Աստանայում։

Կենտրոնը կֆինանսավորվի համաձայնագրի կողմերի ներդրումների, դոնոր պետությունների միջոցների հաշվին, որոնց թվում են Մեծ Բրիտանիան, Իտալիան, Կանադան, Լյուքսեմբուրգը, ԱՄՆ-ն, Թուրքիան, Ֆինլանդիան, Ֆրանսիան, Չեխիան, ինչպես նաև միջազգային կազմակերպությունների օգնության հաշվին։ Կենտրոնի ենթադրվող ընդհանուր բյուջեն կազմում է 15,4 մլն դոլար։

Հարցեր, պատասխաններ, մեկնաբանություններ