«Կոկա-Կոլա Բոթլերս» ընկերության հայաստանյան ներկայացուցչությունը հերքել է իրենց ապրանքի վնասակար լինելու մասին տեղեկությունները

«Կոկա-Կոլա Բոթլերս» ընկերության հայաստանյան ներկայացուցչությունը հերքել է տեղեկություններն այն մասին, թե իրենց արտադրանքը վնասակար է առողջության համար:
ընկերության հասարակական գործերի և հաղորդակցության բաժնի տնօրեն Արա Բրուտյանը, մեկնաբանելով տեղեկություններն այն մասին, թե ըմպելիքը լուրջ վնաս է հասցնում առողջությանը, հայտարարել է, որ ընկերության արտադրանքը մանրակրկիտ կերպով զննվում է ավելի քան 200 երկրնրի պետական հիմնարկների և առողջապահական կառույցների կողմից:
«Կոկա-Կոլա» ըմպելիքը լիովին անվտանգ է և համապատասխանում է սննդի անվտանգությանը ներկայացվող պահանջներին», - ասել է Բրուտյանը:

Մեկնաբանելով տեղեկություններն այն մասին, թե բացահայտվել է ըմպելիքի գաղտնի բանաձևը՝ Բրուտյանը նշել է, որ «Կոկա-Կոլայի» բանաձևը արժեքավոր առևտրային գաղտնիք է, և երկար տարիների ընթացքում ոչ ոք չի կարողացել բացահայտել այն:

Հարցեր, պատասխաններ, մեկնաբանություններ