Անհասության ռետինոպաթիա. Հարկավոր է աշխտորոշել վաղ` հետծննդյան հասակում

Ս. Մալայանի անվան ակնաբուժական կենտրոնի տնօրեն, հանրապետության գլխավոր ակնաբույժ Ալեքսանդր Մալայանն այսօր «Անհասության ռետինոպաթիայի կանխարգելումը Հայաստանում» թեմայով միջազգային համաժողովի ժամանակ լրագրողների հետ զրույցում` անդրադառնալով նորածինների մոտ հանդիպող անհասության ռետինոպաթիայի խնդրին, նշեց, որ հիվանդությանը` ժամանակին չմիջամտելու դեպքում լինում է կուրության:

«Հարկավոր է աշխտորոշել վաղ` հետծննդյան հասակում: Կա նաև լազերային միջամտություն, որը թույլ է տալիս պահպանել տեսողությունը, կամ, որոշ չափով նաև լավացնել»,-ասաց նա: Մասնագետի խոսքով, շատ դժվար է զննել նորածնին ու գտնել աչքի, տեսողության փոփոխությունը, դրա համար հարկավոր են բարձ որակի մասնագետներ: իսկ տեղի մասնագետները, ըստ նրա, հնարավորություն կստանան մասնագիտական ավելի խորը հմտություններ ձեռք բերել վերապատրաստման շնորհիվ:

Ա. Մալայանը նկատեց, որ մինչև 7 տարեկան երեխաների բուժումը հանրապետությունում պետպատվերի շրջանակներում է ընթանում, դրա համար էլ այսպիսի բուժօգնությունը մատչելի կլինի բոլորի համար: «Այստեղ համավճարի մասին դժվար խոսք լինի, քանի որ սա ծրագիր է, որը եկամուտներ չի հետապնդում: Եվ լազերային բուժումը և ախտորոշումը, կատարվում են անվճար հիմունքներով»,-ասաց Ա. Մալայանը: Իսկ ինչ վերաբերում է մեծահասակների` այն հիվանդության բուժօգնության մատչելիությանը, ապա նա նկատեց, որ ծառայությունը, համեմատած այլ երկրների, Հայաստանում նույնպես մատչելի է:

Հարցեր, պատասխաններ, մեկնաբանություններ