Առողջապահության, մայրության և մանկության հարցերի մշտական հանձնաժողովի նիստ

Առողջապահության, մայրության և մանկության հարցերի մշտական հանձնաժողովի հերթական նիստում կառավարության կողմից օրենսդրական նախաձեռնության կարգով ներկայացված «ՀՀ քրեական օրենսգրքում փոփոխություններ և լրացումներ կատարելու մասին» օրինագիծը հանձնաժողովի քննարկմանը ներկայացրեց ՀՀ առողջապահության փոխնախարար Թաթուլ Հակոբյանը:

Ըստ նրա` օրինագծի ընդունման անհրաժեշտությունը բխում է ՀՀ վարչապետի 2007թ. դեկտեմբերի 29-ի որոշմամբ ստեղծված աշխատանքային խմբի և ոլորտի մասնագետների եզրակացությունից, համաձայն որի` չկան խիստ ներգործող նյութերի խոշոր և առանձնապես խոշոր չափերի դասակարգման չափանիշներ, նման տարանջատում չկա նաև Եվրամիության օրենսդրության մեջ ու ՄԱԿ-ի կոնվենցիաներում:

Նշվեց, որ Ռուսաստանի Դաշնության քրեական օրենսգրքում նույնպես «խիստ ներգործող նյութերի առանձնապես խոշոր չափեր» հասկացությունը չի օգտագործվում, օրենսգրքում միայն «խիստ ներգործող նյութերի խոշոր չափեր» հասկացությունն է կիրառվում: Նախագիծը կընդգրկվի խորհրդարանի հերթական նստաշրջանի և առաջիկա քառօրյա նիստերի օրակարգի նախագծում: Mediainform news agency

Հարցեր, պատասխաններ, մեկնաբանություններ