Ամանորի սեղան երեխաների համար. ինչպես կերակրել փոքրիկին տոնական օրերին. Սալուտեմ ամսագիր №4

Ամանորի գիշերը տարվա ամենակախարդական գիշերն է՝ հատկապես երեխաների համար. նվերներ Ձմեռ պապից, անզուսպ ուրախություն և անհամար քաղցրավենիք: Իսկ որպեսզի քաղցրավենիքի առատությունը չանդրադառնա երեխաների առողջության վրա, ծնողները պետք է ճիշտ կազմեն տոնական ճաշացանկը:

Մանկական ուտեստները պետք է ո՛չ միայն համեղ լինեն, այլև օգտակար: Իսկ որպեսզի դրանք գրավեն երեխայի ուշադրությունը և նա ցանկանա ուտել, պետք է նաև լինեն արտասովոր: Համացանցում կարելի է մանկական տոնական սեղանի համար բազմաթիվ գաղափարներ գտնել: Մենք Ձեզ համար ընտրել ենք բաղադրատոմսեր, որոնցով ուտեստներ պատրաստելը Ձեզնից շատ ժամանակ չի խլի:

Երեխաների Ամանորի ճաշացանկի առանձնահատկությունները

Մանկական սնուցման որոշ կանոններ չի կարելի խախտել անգամ Ամանորի գիշերը։ Որպեսզի տոնական խնջույքը չվնասի երեխային, պետք է հրաժարվել մանկական ուտեստների մեջ որոշ բաղադրիչների օգտագործումից

• Մայոնեզը ճիշտ թանձրուկ չէ մանկական աղցանների համար: Փոխարինեք այն թթվասերով կամ ձիթապտղի յուղով։
• Եփած, ինչպես նաև ապխտած երշիկը նույնպես հարմար չէ մանկական սննդի համար։ Փոխարենը օգտագործեք հնդկահավի կամ հավի խաշած կրծքամիս:
• Մինչև 4-5 տարեկան երեխաներին խորհուրդ չի տրվում թթու կամ մարինացված բանջարեղեն ուտել։ Եթե դրանք կան բաղադրատոմսում, ցանկալի է փոխարինել թարմ բանջարեղենով։
• Խուսափեք երեխային պահածոյացված ոլոռ և եգիպտացորեն տալուց:
• Խուսափեք գազավորված ըմպելիքներից և քաղցր փաթեթավորված հյութերից: Դրանք լիովին կարող եք փոխարինել կոմպոտով կամ հատապտղային օշարակով։
• Խանութից գնված տարատեսակ քաղցրավենիքը և կոնֆետները, որոնք առատորեն լինում են Ամանորի տոներին, երեխայի համար լավագույն հյուրասիրությունը չեն։ Փոխարենը առաջարկեք նրան տնական աղանդեր, խմորեղեն, մրգեր կամ չրեր:

Ինչպես հայտնի է, երեխաներին գրավում է ոչ այնքան ուտեստների համն ու հոտը, որքան արտաքին տեսքը: Ուստի որքան հետաքրքիր դրանք ձևավորեք, այնքան արագ սնունդը կանհետանա ափսեից: Սիրելի մայրիկի հոգատար ձեռքերով պատրաստված տարատեսակ գազանիկները և Նոր տարվա սիրված կերպարները, համոզված եղեք, աննկատ չեն մնա: Իսկ եթե ուտեստների համար նաև մտածեք ծիծաղելի և հիշվող անվանումներ, ապա դրանք անպայման կշարժեն երեխայի հետաքրքրությունը։  

Ուտեստներ մանկական տոնական սեղանի համար

Ի տարբերություն մեծահասակների՝ մանկական սեղանի համար ամենևին էլ պարտադիր չէ մեծ քանակությամբ ուտեստներ պատրաստել։ 2-3 նախուտեստը, մեկ տաք ուտեստը և աղանդերը լիովին բավական են։ Սակայն խորհուրդ է տրվում նախատեսել մեծ քանակությամբ հյութեր, խմորեղեն, մրգեր. դրանք երեխաներն արագ «կթռցնեն» խաղերի միջակայքում:

Երեխաների համար ցանկալի է պատրաստել այնպիսի ուտեստներ, որոնք կարելի է ուտել առանց գդալի կամ դանակ-պատառաքաղի՝ պարզապես ձեռքերով:

www.smclinic-spb.ru

«ՍԱԼՈՒՏԵՄ» առողջ ապրելակերպի ամսագիր
Պետական գրանցման համար․ 211․200․00969
[email protected]
+(374) 91 64 10 15
+(374) 98 79 15 15

Հարցեր, պատասխաններ, մեկնաբանություններ