Ֆեյխոայի մուրաբան՝ վահանաձև գեղձի և այլ խնդիրների դեմ. 168.am

Ֆեյխոայի պտուղները շուկայում հազվադեպ են հանդիպում. վաճառասեղաններին դրանք սկսում են հայտնվել սեպտեմբերի կեսերին և շարունակում մնալ մինչև հունվարի կեսերը։ Takprosto.cc կայքը գրում է, որ ֆեյխոան ծննդով Հարավային Ամերիկայից է։ Ֆեյխոայի հասած պտուղները մուգ կանաչ գույն ունեն, իսկ համը հիշեցնում է միաժամանակ՝ անանասի, կիվիի և ելակի համերը։ Ֆեյխոայի կեղևը փոքր-ինչ տհաճ է ուտելու համար, սակայն հրաշալի հոտ ունի և բազմաթիվ հակաօքսիդանտներ է պարունակում, որոնք հակաքաղցկեղային հատկություններ ունեն։ Այդ պատճառով էլ խորհուրդ է տրվում կեղևը չթափել և օգտագործել թեյ խմելիս։

Դրանից զատ, ֆեյխոայի պտուղներն առանձնահատուկ են նրանով, որ յոդի պարունակությամբ այն կարելի է համեմատել ծովամթերքի հետ (100 գրամ ֆեյխոան պարունակում է մինչև 50 գ յոդ)։ Դրանք խորհուրդ է տրվում օգտագործել վահանաձև գեղձի առողջության հետ կապված խնդիրների դեպքում, որոնք կապված են օրգանիզմում յոդի անբավարար քանակի հետ։ Խորհուրդ է տրվում օգտագործել նաև աթերոսկլերոզի, ավիտամինոզի, ստամոքս-աղիքային տրակտի հիվանդությունների դեպքում։ Այն օգնում է բարձրացնել իմունիտետը և արդյունավետորեն պայքարում է մրսածության հետ կապված հիվանդությունների դեմ։ Ֆեյխոայից չոր մուրաբա պատրաստելը լավագույն միջոցն է այս պտղի օգտակար հատկությունները պահպանելու համար։

Բաղադրիչներ.

• 1 կգ ֆեյխոա,
• 1 կգ շաքար:

Պատրաստման և օգտագործման եղանակը. Լավ լվացեք ֆեյխոայի պտուղները, հեռացրեք պոչերը։  Աղացեք պտուղները մսաղացով, խառնեք շաքարի հետ, լցրեք ստերիլ տարայի մեջ։ Չոր մուրաբան սառնարանում պահվում է մինչև 2 ամիս։
   

Վահանաձև գեղձի հիվանդությունների բուժման համար 10 օր շարունակ, առավոտյան և երեկոյան ընդունեք 1 ճաշի գդալ, ապա նույնքան ժամանակով ընդմիջեք։

Հարցեր, պատասխաններ, մեկնաբանություններ