Եթե սովորություն ունեք առավոտյան քաղցած վիճակում սուրճ խմել.... shabat.am

Ամբողջ աշխարհում շատերն իրենց առավոտը սկսում են մեկ բաժակ սուրճով։ Fithacker.ru կայքը գրում է, որ սուրճն, իսկապես, շատ օգտակար է օրգանիզմի համար, սակայն այն պետք չէ խմել առավոտյան և քաղցած վիճակում։

Առաջին հերթին անհրաժեշտ է իմանալ, որ առավոտյան քաղցած վիճակում խմած մեկ բաժակ սև սուրճը մեծացնում է թթվայնության մակարդակն օրգանիզմում։ Իրականում այն բացասաբար է ազդում մարսողական համակարգի վրա, որից հետո դժվարամարս սննդի օգտագործման դեպքում կարող է նյութափոխանակության հետ կապված որոշակի խնդիրներ առաջանալ։ Պատճառն այն է, որ բարդանում է սպիտակուցների յուրացման գործընթացը։ Երբ սպիտակուցն ամբողջությամբ չի յուրացվում, նյութափոխանակության հետ կապված այնպիսի խնդիրներ են առաջանում, ինչպիսք են` որովայնի փքվածությունը, աղիների բորբոքումը, գրգռումը և այլն։

Հենց այս պատճառով շատ բժիշկներ զգուշացնում են, որ պետք չէ առավոտյան անմիջապես արթնանալուց հետո քաղցած վիճակում սուրճ խմել։ Սուրճը բարձրացնում է կորտիզոլի մակարդակը, և օրգանիզմին բավականին երկար ժամանակ է անհրաժեշտ լինում այն հավասարակշռելու համար։ Անհրաժեշտ է նաև իմանալ, որ քաղցած վիճակում սուրճ խմելու արդյունքում մարսողական համակարգում թթվայնության մակարդակը բարձրանում է, ինչն առաջացնում է փսխում և որովայնի փքվածություն։

Սա նշանակում է, որ անհրաժեշտ է նախաճաշել` մինչ սուրճ խմելը։ Եթե առավոտյան չեք կարողանում արթնանալ առանց մեկ բաժակ սուրճի և չեք էլ կարողանում նախաճաշել, ապա սուրճի մեջ մի փոքր կաթ ավելացրեք։

Հարցեր, պատասխաններ, մեկնաբանություններ