Ընկուզեղենը 15 տոկոսով նվազեցնում են քաղցկեղի զարգացման հավանականությունը. 1in.am

Ընկուզեղենիի օգտագործումը նվազեցնում է մի շարք հիվանդությունների զարգացման հավանականությունը։ Ինչպես հաղորդում է BMC Medicine ամսագիրը, ընկուզեղենը 15 տոկոսով նվազեցնում են քաղցկեղի, 30 տոկոսով՝ սրտի հիվանդությունների և 22 տոկոսով մահացության ընդհանուր վտանգի հավանականությունը։

Ընկուզեղենը պարունակում է մեծ քանակությամբ մագնեզիում, ճարպաթթուներ, որոնք նվազեցնում են խոլեսթերինի մակարդակը, ուստի առողջարար են սրտի և անոթների համար։ Հունական ընկույզն, օրինակ, պարունակում է նաև մեծ քանակությամբ հակաօքսիդանտներ, ինչն օգնում է պայքարել ընկճախտի դեմ և նվազեցնում է քաղցկեղի առաջացման վտանգը։

«Բացի այդ, կասկածներ կան, որ ընկուզեղենը կարող է նվազեցնել նաև ճարպակալման զարգացման հավանականությունը»,-հայտարարել է Դագֆին Աունը՝ Լոնդոնի Կայսերական քոլեջից։

Աունը և նրա գործընկերները նման եզրահանգման են եկել՝ վերլուծելով և համադրելով շուրջ 3 տասնյակ գիտական աշխատանքների արդյունքներ, որոնց շրջանակներում գիտնականներն ավելի քան 20 փորձարկում են իրականացրել՝ ուղղված տարբեր մթերքների, այդ թվում` ընկուզեղենի, օգտակար հատկությունների ուսումնասիրությանը։

Հարցեր, պատասխաններ, մեկնաբանություններ