Բուժիչ ըմպելիքներ, որոնք կհաղթահարեն մրսածությունն ու հարբուխը. yourhit.ru

Փակված քիթը, կոկորդի ցավը՝ նախանշաններ են, որոնք ոչ մի լավ բան չեն խոստանում: Առաջարկում ենք բուժիչ ըմպելիքներ, որոնք ո՛չ միայն հաղթահարում են մրսածությունը, այլ նաև բուժում անգամ քրոնիկ հարբուխը և հազը:

Թեյ «Արևի ճառագայթ»

Դարչինն ու կոճապղպեղը (իմբիր) բացառիկ բուժիչ բաղադրիչներ են, որոնք հայտնի են իրենց հակաբորբոքային հատկություններով: Կիտրոնի հյութը և խնձորի քացախը լրացնում են վիտամին C-ի պաշարը, որը շատ անհրաժեշտ է մրսածության և հարբուխի ժամանակ:

Բաղադիրչներ.

• 1 թեյի գդալ կիտրոնի հյութ,
• ½ թեյի գդալ քերիչով անցկացրած կոճապղպեղ,
• ¼ թեյի գդալ քրքումի փոշի,
• ½ ճաշի գդալ խնձորի քացախ,
• ½ թեյի գդալ մեղր,
• Մի պտղունց աղացած դարչին,
• 300 մլ ջուր:

Պատրաստման եղանակը.

1. Եռացրեք ջուրը:
2. Բաժակի մեջ խառնեք կոճապղպեղը, քրքումը, դարչինը, մեղրը: Ավելացրեք կիտրոնի հյութն ու խնձորի քացախը:
3. Այդ զանգվածի վրա տաք, բայց ոչ եռման, ջուր ավելացրեք:

Թեյ «Տաք Բենիտո»

Արքայախնձորն ունի հակաբորբոքային հատկություն և նպաստում է քթից լորձի դուրս բերմանը: Մեղրը դարերով հայտնի է հակավիրուսային, հակասնկալին և հակաբակտերիալ հատկություններով: Այս բաղադրիչների խառնուրդը հիանալի հարված է հարբուխին և մրսածությանը:

Բաղադրիչներ.

• 250 մլ արքայախնձորի հյութ,
• ½ ճաշի գդալ խնձորի քացախ,
• կայնեյան պղպեղ՝ դանակի ծայրով,
• 1 ճաշի գդալ մեղր:

Պատրաստման եղանակը.

1. Խառնեք բոլոր բաղադիրչները և լցրեք տաքացնելու համար հարմար տարայի մեջ,
2. տաքացրեք ըմպելիքն այն աստիճանի, որ հաճելի լինի:

Հարցեր, պատասխաններ, մեկնաբանություններ