Կծու սնունդն առողջությանն օգտակա՞ր է, թե՞ վնասակար. 1in.am

Ըստ գիտնականների՝ կծու ուտեստները երկարացնում են կյանքը: newsyou.info-ն ներկայացնում է կծու ուտեստների լավ և վատ կողմերը:

Ինչո՞վ է օգտակար

Երկարացնում է կյանքը. 7 տարի ավելի քան կես մլն չինացու շրջանում կատարված հետազոտությունը ցույց է տվել, որ շաբաթական 6 անգամ կծու սնունդ ուտողները 14%-ով պակաս են նախատրամադրված վաղաժամ մահվան, իսկ շաբաթական 2 անգամ այդպիսի սնունդ ուտողները՝ 10%-ով կծու չսիրողների համեմատ:

Նվազեցնում է քաշը. արդեն ապացուցված է, որ կծու պղպեղը նվազեցում է ախորժակը և արագացնում նյութափոխանակությունը:

Կծու համեմունքները ևս ազդում են նյութափոխանակության վրա՝ համոզված է բժիշկ Գրեգորի Տորկելսոնը Պիտսբուրգի համալսարանից:

Վերացնում է ցավը. կապսաիցինը խթանում է օրգանիզմում էնդորֆինների առաջացումը՝ նշում է Տորկելսոնը:

Ունի հակաբորբոքային ազդեցություն. հետազոտությունները հաստատում են, որ կապսաիցինը կարող է աուտոիմունային հիվանդություններ բուժել, օրինակ՝ ռևմատոիդ արթրիտ:

Ունի հակամանրէային ազդեցություն. հետազոտություններն ապացուցում են, որ կապսաիցինն ունի հակամանրէային հատկություններ, հնարավոր է նաև` հակասնկային:

Ինչո՞վ է վնասակար

Առաջացնում է այրվածքներ. եթե պղպեղը չափազանց կծու է, այն կարող է այրել լեզվի պտկիկները, որոնք պատասխանատու են համերը տարբերելու համար՝ պնդում են գիտնականները:

Կարող է այրել հեմորոիդալ հանգույցները. կապսաիցինի ոչ հաճելի ազդեցություններից մեկն այն է, որ այն մարսողական համակարգում չի ճեղքվում և կարող է այրվածքներ առաջացնել:

Հարցեր, պատասխաններ, մեկնաբանություններ