Օգտակար ճարպով հագեցած սննդատեսակներ, որոնք կօգնեն ձերբազատվել ավելորդ քաշից. tert.am

Ճարպերը ևս կարող են նպաստել ավելորդ քաշից ձերբազատվելուն: Ճիշտ ժամին և ճիշտ  չափաբաժնով ուտելու պարագայում ճարպերը մեծ օգուտ կարող են տալ օրգանիզմին` կարգավորելով նյութափոխանակությունն ու հորմոնների բալանսը:

Ինչպես ներկայացնում է Daily Mail-ը, միայն հացահատկային սննդակարգը կարող է խանգարել օրգանիզմի բնականոն կենսագործունեությանն ու հորմոնների արտադրությանը:

Ուսումնասիրությունները ցույց են տվել, որ անհրաժեշտ է օգտագործել բնական, հագեցած ճարպեր, որոնք սիրտ-անոթային հիվանդություններ չեն առաջացնում:  Օրվա ընթացքում կարելի է օգտագործել հետևյալ սննդատեսակները:

1. Կոկոսի յուղ. կարելի է օգտագործել սովորական բուսայուղի փոխարեն և ուտեստները պատրաստել կոկոսի բնական յուղով:
   
   
2. Ավոկադո. կարելի է ավելացնել ցանկացած ճաշատեսակի մեջ կամ ուտել ամբողջական` որպես միրգ:
   
   
3. Վայրի սաղմոն. կարելի է օգտագործել ինչպես ծխեցված, տապակած, այնպես էլ խաշած վիճակում:
   
   
4. Ձիթապտղի յուղ. առողջարար յուղերի շարքին է դասվում, որով կարելի պատրաստել ցանկացած ուտեստ և ավելացնել աղցաններին:
   
   
5. Կտավատի ձեթ. օմեգա-3 ճարպաթթուներով հագեցած կտավատի ձեթը կարելի է օգտագործել աղցաններում, ինչպես նաև ավելացնել առավոտյան շիլաներին:
   
   
6. Մակադամիա կամ ավստրալիական ընկույզ. հագեցած է օմեգա-3 և օմեգա-6 ճարպաթթուներով, որոնք առկա են նաև կտավատի սերմի, սաղմոնի, չիայի սերմերի, կաթնամթերքի, ընկույզի մեջ:
   
   
7. Նուշ. հագեցած է հանքանյութերով և վիտամիններով, կարելի է օգտագործել օրվա ցանկացած ժամի:
   
   
8. Ձվի դեղնուց. 100 տոկոսով պարունակում A, D, E, K վիտամիններ, կալցիում, ցինկ, երկաթ, վիտամին B₆ և B₁₂:

Հարցեր, պատասխաններ, մեկնաբանություններ