Ինչպես է կաթն ազդում մարդու օրգանիզմի վրա. 10 առասպել. 1in.am

Կաթի վերաբերյալ ամենատարածված մոլորությունները դիտարկենք փորձագետի աչքերով՝ ըստ novosti-n.org-ի:

1. Կաթի ամենօրյա օգտագործումն ամբողջովին լրացնում է օրգանիզմի կալցիումի պակասը

Հաշվի առնելով, որ մարդուն օրական անհրաժեշտ է 800-1200 մգ կալցիում, իսկ 1 բաժակ կաթը պարունակում է 244 մգ, ապա օրական հարկավոր է խմել 3-5 բաժակ կաթ: Տեսականորեն դա հնարավոր է, սակայն ավելի լավ է կալցիումի պահանջը լրացնել բուսական և կենդանական ծագմամբ այլ սննդով:

2. Կալցիումն ամենալավը յուրացվում է կաթից, կաթնաշոռից, պանրից և յոգուրտից

Իր օգտակարությանը զուգընթաց` կալցիումը շատ դժվար յուրացվող միկրոտարր է: Այն լավագույնս յուրացվում է սպիտակուցի առկայության դեպքում: Քիչ սպիտակուց պարունակող օրակարգում կալցիումի յուրացումը նվազում է 10%-ով: Այդ պատճառով կաթի, կաթնաշոռի, պանրի և յոգուրտի մեջ պարունակվող սպիտակուցները կալցիումն, իրոք, դարձնում են օրգանիզմի համար հեշտ յուրացվող:

3. Կաթն անօգուտ է մեծահասակների համար

Կաթնամթերքներն օրգանիզմը հագեցնում են վիտամիններով և միկրոտարրերով` լինելով կալցիումի հիանալի աղբյուր, ինչը հատկապես կարևոր է օստեոպորոզի հակված մեծահասակների համար:

4. Կաթը նպաստում է ճարպակալմանը

Մարդիկ քաշ են հավաքում ոչ թե կաթից, այլ նրա մեջ պարունակվող յուղից: Հարկավոր է գնել ամենացածր ճարպի պարունակությամբ կաթ: Եթե ցանկանում եք մնալ սլացիկ, պետք է օրակարգում ընդգրկել յուղազրկված կաթ, կաթնաշոռ և կեֆիր:

5. Ֆերմերային կաթն ավելի լավ է գործարանայինից

Թարմ կաթն իր մեջ պարունակվող բնական մանրէասպան նյութերի շնորհիվ կարող է միայն 2 ժամ մնալ ստերիլ, սակայն դրանից հետո այնտեղ բազմանում են տարբեր մանրէներ, այդ պատճառով շուկաներում վաճառվող կաթը կարող է վտանգավոր լինել: 76-78°C-ում պաստերիզացված գործարանային կաթը պահպանում է թարմ կաթի օգտակար նյութերը և միկրոտարրերը:

6. Կաթի նկատմամբ ալերգիան ցույց է տալիս, որ ինչ-որ բան նրանում այն չէ

Ալերգիա լինում է շատ մթերիքներից, սակայն դա չի նշանակում, որ դրանք օգտակար չեն: Դա հիմք չի տալիս խոսելու կաթի համընդհանուր անընդունելիության մասին:

7. Մանրէազերծված կաթը նույնքան օգտակար է, որքան պաստերիզացվածը

Պաստերիզացման դեպքում կաթը մշակվում է 30 րոպե 65°C-ում, 15-40 վայրկյան՝ 75-79°C-ում և 8-10 վարկյան՝ 86°C-ում: Դրա շնորհիվ այն մարդու օրգանիզմի համար դառնում է անվտանգ, սակայն պահպանում է կաթնաթթվային մանրէները և բոլոր սկզբնական վիտամինները: Իսկ մանրեազերծումը թարմ կաթի մշակման «ամենաանխնա» միջոցն է, որի դեպքում վերանում է օգտակար նյութերի մեծ մասը: Կաթը 30 րոպե եռում է 120-130°C-ից մինչև 130-150°C-ում: Այդ կաթը չի թթվում, այլ պարզապես դառնանում է և սենյակային ջերմաստիճանում պահպանվում մոտավորապես 1 տարի:

8. Կաթը պարունակում է հակաբիոտիկներ

Կաթի մեջ հակաբիոտիկների ավելացումն ամենակայուն և ամենասխալ ժողովրդակնան հորինվածքն է: Գործարաններում բացառվում է հիվանդ կովերի կաթի օգտագործումը: Կաթի ստերիլ տուփի մեջ ո՛չ միտումնավոր, ո՛չ էլ պատահաբար չեն կարող լինել մարդու համար վնասակար նյութեր:

9. Կաթը կործանարար է սրտի համար

Կաթը կանխում է աթերոսկլերոզի զարգացումը, որը համարվում է սրտի հիվանդությունների հիմնական պատճառը: Կարդիֆի համալսարանի պրոֆեսոր Փիթեր Էլվուդը հայտարարել է, որ օրը գոնե 2 բաժակ կաթ խմելու դեպքում 99% հավանականությամբ մարդը չի հիշի, թե որ կողմում է գտնվում սիրտը:

10. Հոմոգենացված նշումը կապված է GMO-ի հետ

Հոմոգենացված նշանակում է «համասեռ»: Քանի որ կաթի պահպանման ժամանակ յուղը հավաքվում է վերին մակերեսին կամ նստվածք է առաջացնում, նրան համասեռություն տալու համար հոմոգենացնում են: Ինչ վերաբերում է GMO-ին, ապա կաթը չի կարող լինել այդպիսին, քանի որ կովերի գեներին ոչ-ոք չի խառնվում:

Հարցեր, պատասխաններ, մեկնաբանություններ