Նշով բաղադրատոմսեր միզապարկի, ստամոքսի և բրոնխիտի բուժման համար. tert.am

Healthy food star-ը նշով պատրաստվող մի շարք բաղադրատոմսեր է առաջարկել, որոնք կարելի է կիրառել տարբեր հիվանդությունների բուժման համար:

1. Ըմպելիք` միզապարկի բորբոքման համար

Անհրաժեշտ բաղադրիչները. 1 լիտր ջուր, 2 ճաշի գդալ նուշ:

Պատրաստման եղանակը:  Անհրաժեշտ է նուշը եփել ջրում, մինչև ջուրը կիսով չափ գոլորշիանա, ապա քամել  հեղուկը: Մեկ բաժակ հեղուկը պետք է խմել ամբողջ օրվա ընթացքում:

2. Ստամոքսի ցավի և մարսողության բարելավման համար

Անհրաժեշտ բաղադրիչները. 50 գրամ նուշ, 50 գրամ շագանակագույն շաքարավազ, 1 լիտր ջուր:

Պատրաստման եղանակը:  Նուշը թրջել տաք ջրով, որ հեշտ մաքրվի, ապա բլենդերով հարել քիչ ջրի հետ, ավելացնել շաքարավազն ու ջուրը եւ խառնել: Ստացված խառնուրդն անհրաժեշտ է քամել մառլյայով և ըմպել ջրի փոխարեն:

3. Բրոնխիտի կամ կոկորդի բորբոքման ժամանակ

Անհրաժեշտ բաղադրիչները. 3-4 հատ նուշ, 200 գրամ կաթ, 1 ճաշի գդալ մեղր:

Պատրաստման եղանակը:  Նուշն անհրաժեշտ է աղալ, խառնել տաք կաթի և մեղրի հետ: Ստացված զանգվածը կարելի է սպառել օրվա ընթացքում`՝ 3 անգամից:

Հարցեր, պատասխաններ, մեկնաբանություններ