Օրգանիզմը կառողջանա և կամրանա` մեկ տարի ամեն օր արքայախնձորի հյութ ըմպելով. tert.am

Արքայախնձորի հյութը, համեղ և սննդարար լինելուց բացի, օժտված է նաև անչափ կարևոր առողջարար հատկություններով, որոնք ներկայացրել է Healthyfoodstar.com-ը: Սննդարար բաղադրիչների շնորհիվ այն ո'չ միայն ամառային, այլև հիասքանչ ձմեռային ըմպելիք է: Արքայախնձորը հարուստ է ֆերմենտներով, վիտամիններով և հանքանյութերով: Այն պարունակում է կալցիում, ֆոսֆոր, մագնեզիում, կալիում, յոդ և ցինկ, ինչպես նաև վիտամիններ E,C, B և պրովիտամին A:

Մեկ բաժակ արքայախնձորի  հյութը` մոտ 165 գրամ ծավալով, պարունակում է օրական անհրաժեշտ C վիտամինի 131%-ը, մագնեզիումի 76.5%-ը, վիտամին B₆-ի և B₁-ի 9%-ը և ընդամենը 82 կալորիա:

Մեկ տարի շարունակ ամեն օր արքայախնձորի հյութ ըմպելով կարելի է հասնել հետևյալ արդյունքին.

• օրգանիզմը խոցելի չի լինի բորբոքումների և վիրուսների նկատմամբ,
• օրգանիզմը կազատվի ավելորդ քաշից, եթե այն ըմպեք դատարկ ստամոքսին,
• այն կօգնի օրգանիզմը մաքրել թունավոր նյութերից,
• օրգանիզմը կհարստանա հակաօքսիդանտներով,
• ատամները կսպիտակեն և կամրանան:

Հարցեր, պատասխաններ, մեկնաբանություններ