Հանքանյութերով ու վիտամիններով հարուստ այս միրգը առողջության իրական աղբյուր է. tert.am

Եզնասիրտ, քրթի կամ պարզապես շաքար-խնձոր կոչվող անոնազգիների ընտանիքին պատկանող այս բույսը  վիտամին  C-ի, վիտամին  B₆-ի և հանքանյութերի (կալիում և մագնեզիում) հիանալի աղբյուր է, ինչի շնորհիվ այն հակաբորբոքային և հակաօքսիդանտ է համարվում:

Այս բաղադրիչները հատկապես անհրաժեշտ են ասթմայի կանխարգելման կամ բուժման համար: Այս մասին գրում է Healthy food star-ը` ներկայացնելով մրգի ընդհանուր օգտակար հատկանիշները:

• պահպանում է վահանաձև գեղձի առողջությունը,
• այս մրգի պարունակության մեջ առկա պղինձը մեծ դեր է կատարում վահանաձև գեղձի հորմոնի` թիրոքսինի արտադրության գործում,
• օգնում է օրգանիզմին էներգիա արտադրել,
• թիրամին կոչվող սնուցիչի օգնությամբ շաքարը վերածվում է էներգիայի,
• ամրացնում է ոսկրերը,
• մագնեզիումը կալցիումի համադրությամբ արդյունավետ միջոց է ոսկրերի ամրությունը պահպանելու և վերականգնելու համար, որը մեծացնում է ոսկրերի խտությունը,
• նվազեցնում է խոլեսթերինի մակարդակն արյան մեջ,
• հարուստ է վիտամին B-ով, որն օգնում է նվազեցնել խոլեսթերինի մակարդակը,
• նպաստում է մազերի և մաշկի առողջությանը,
• լինելով վիտամին A-ի հիանալի աղբյուր` այս միրգն օգնում է պահպանել մազերի փայլն ու երիտասարդ մաշկը: Նպաստում է նաև տեսողությանը,
• օգնում է կանխել անեմիան,
• այս միրգը նաև արյան կարմիր բջիջների արտադրությանը նպաստող հանքանյութերի աղբյուր է, որի օգտագործումն օգնում է կանխել սակավարյունությունը:

Հարցեր, պատասխաններ, մեկնաբանություններ