Սննդակարգում սպիտակուցների ավելցուկի հինգ վտանգավոր կողմնակի ազդեցություններ. news.am

Սպիտակուցներն անհրաժեշտ են մարդու առողջության համար, բայց դրանց ավելցուկը նույնպես կարող է մի շարք լուրջ խնդիրներ առաջացնել: Ստորև ներկայացվում են սննդակարգում սպիտակուցների ավելցուկի որոշ կողմնակի ազդեցություններ.

1. Տհաճ հոտ բերանից

Ինչպես բացատրում է դիետոլոգ Ջեսսիկա Քորդինը, եթե սննդակարգում ածխաջրածինները շատ քիչ են, իսկ պրոտեինները ՝ շատ , օրգանիզմն էներգիա ստանալու համար սկսում է այրել ճարպ, այլ ոչ թե ածխաջրեր: Սա, իհարկե, օգնում է նիհարելուն, բայց այդ ընթացքում գոյանում են նյութեր, որոնք հայտնի են որպես կետոններ, դրանց պատճառով բերանից սկսում է եղունգների լաքի հոտ գալ: Ատամները մաքրելը կամ բերանը ողողելն անօգուտ է, քանի որ հոտի աղբյուրը բերանում չէ:

2. Վատ տրամադրություն

Ուղեղին ածխաջրերը պետք է սերոտոնին՝ երջանկության հորմոն սինթեզելու համար: Եթե սննդակարգից հանեք ածխաջրերը՝ դուք կդառնաք նյարդային ու դյուրագրգիռ:

3. Խնդիրներ երիկամների հետ

Երիկամները ստիպված կլինեն շատ աշխատել, որպեսզի արյունը մաքրեն մեծ քանակության սպիտակուցներից (նաեւ ազոտից, որը սպիտակուցների հետ միասին հայտնվում է օրգանիզմի մեջ) ու օրգանիզմից դուրս բերեն բոլոր ավելորդ նյութերը: Եթե սպիտակուցները շատ են, ապա ժամանակի ընթացքում դա կարող է վնասել երիկամներին:

4. Խնդիրներ աղիքների հետ

Աղիների նորմալ գործունեության համար պետք են ածխաջրեր ու բջջանյութ, որը մսային մթերքներում շատ քիչ է: Առանց բջջանյութի ու բավարար քանակության ածխաջրերի՝  ժամանակի ընթացքում կսկսեն տանջել մեթեորիզմն ու աղիներին վերաբերող այլ խնդիրներ:

5. Ավելորդ քաշ

Պրոտեիններով հարուստ սննդակարգը միայն կարճ ժամանակով է օգնում նիհարել, բայց երկարաժամկետ հեռանկարում այդպես սնվող մարդիկ քաշ են հավաքում:

Հարցեր, պատասխաններ, մեկնաբանություններ