Հակաբակտերիալ բնական միջոց, որը վերացնում է բորբոքումները

Healthy life land-ը կազդուրիչ տոնիկ պատրաստելու բաղադրատոմս է ներկայացրել, որն օգտագործում էին միջնադարյան Եվրոպայում, երբ մարդիկ տարատեսակ համաճարակներով էին հիվանդանում:

Այն բնական հակաբակտերիալ միջոց է, որը սպանում է բացասական և դրական բակտերիաները, հակասնկային և հակավիրուսային հատկություններ ունի և կարգավորում է արյան շրջանառությունը:

Պատրաստելու համար անհրաժեշտ է.

• ¼ մանրացրած սխտոր,
• ¼ բաժակ աղացած կոճապղպեղ,
• ¼ մանրացրած սոխ,
• 2 ճաշի գդալ աղացած ծովաբողկ,
• 2 թարմ պղպեղ` հնարավորինս կծու,
• 700 մլ խնձորի քացախ,
• 2 ճաշի գդալ քրքումի փոշի:

Պատրաստման եղանակը: Անհրաժեշտ է խառնել բոլոր բաղադրիչները մեկ տարայի մեջ, բացի քացախից, ապա լցնել ապակյա տարայի մեջ, ավելացնել քացախը մինչև խառնուրդը ծածկվի: Լավ կլինի, որ տարայի 2/3-ը կազմեն չոր բաղադրիչները, մնացածը` քացախը:  Ապա պետք է փակել տարայի բերանը և լավ թափահարել: Ստացված խառնուրդը պետք է պահել զով ու չոր վայրում՝ 14 օր: Խորհուրդ է տրվում  թափահարել օրական մի քանի անգամ:  2 շաբաթից կարելի է լավ քամել հեղուկը:

Անհրաժեշտություն չկա տոնիկը սառնարանում պահել, քանի որ երկար ժամանակ չի փչանում: Այն կարելի է նաև որպես կծու համեմունք կիրառել խոհանոցում:

Չափաբաժինը:  Քանի որ ստացված հեղուկը բավականին կծու է, խորհուրդ է տրվում օգտագործելուց հետո մեկ շերտ կիտրոն կամ նարինջ ուտել` այրոցը թեթևացնելու համար: Եթե պայքարում եք լուրջ բորբոքման դեմ, ապա պետք է օգտագործել օրական 5-6 անգամ` մեկ ճաշի գդալից: Այս  դեղամիջոցը նաև իմունիտետը բարձրացնելու հիանալի տարբերակ է:

Հարցեր, պատասխաններ, մեկնաբանություններ