10 մթերքներ, որոնք պետք է մշտապես առկա լինեն օրվա սննդակարգում (լուսանկարներ). tert.am

Երկար ապրելու և առողջ լինելու համար անհրաժեշտ է մշտապես լավ սնվել և առողջ ապրելակերպ վարել, գրում է fishki.net-ը։
 
Դիետոլոգները կարծում են, որ մարդու սննդակարգում պետք է առկա լինեն ֆրանսիական, ճապոնական և միջերկրածովյան խոհանոցի ուտեստներ։
 
Հատապտուղներ

Հատապտուղները հարուստ են B և A խմբի վիտամիններով և էլեմենտներով, ինչպես նաև վիտամին C-ով։ Օրական խորհուրդ է տրվում օգտագործել առնվազն 100 գրամ հատապտուղներ։
 

Ձիթապտղի ձեթ

Ձիթապտղի ձեթը հակաօքսիդանտների և օգտակար ճարպային թթուների հիանալի աղբյուր է։ Օրական 2-3 ճաշի գդալ ձիթապտղի ձեթը հրաշալի կերպով կլրացնի ուտեստը։

Ընկուզեղեն
 
Ընկուզեղենը պարունակում է մեծ քանակությամբ սպիտակուցներ և օգտակար ճարպեր։ Մասնագետները խորհուրդ են տալիս, որ օրական 100-150 գրամը բավական է։

Բրինձ

Բրինձն ասիական խոհանոցի կարևոր բաղադրիչներից է, հնարավոր է՝ դա է պատճառը, որ ասիական երկրների բնակիչները երկարակյաց են և երիտասարդ տեսք ունեն։ Օրական արժե օգտագործել 50-60 գրամ բրինձ։

Լոլիկ

Լոլիկը պարունակում է օգտակար նյութերի մի ամբողջ փունջ՝ վիտամիններ B₁, B₂, B₅, B₆, ինչպես նաև՝ A, E և C։ Օրական խորհուրդ է տրվում օգտագործել 2-3 հատ։

Սիպտակ և կանաչ թեյ

Սպիտակ և կանաչ թեյերը համարվում են հակաօքսիդանտների հիմնական աղբյուր։ Օրական խորհուրդ է տրվում ըմպել 4-6 բաժակ, սակայն ճնշման հետ խնդիրներ ունեցող անձանց մոտ կանաչ թեյից հնարավոր են ճնշման տատանումներ։
 

Սոյա և լոբազգի

Լոբազգիներին պատկանող սերմերն, ինչպես օրինակ՝ ոսպը, ոլոռը և այլն, կարող են փոխարինել մսից ստացվող սպիտակուցները։ Օրական խորհուրդ է տրվում օգտագործել 50 գրամ լոբազգի սերմեր։
 

Հատիկավորներ

Հացը, ալյուրը, ձավարը և այլ հատիկավորներն հարուստ են մանրաթելերով, որը չափի մեջ օգտագործելու դեպքում օգտակար է աղիների համար։

Թարմ բանջարեղեն

Թարմ բանջարեղեններն ինչպես օրինակ՝ նեխուրը, կաղամբը, վարունգը, բրոկոլին, ունեն ցածր կալորիականություն, սակայն անչափ օգտակար են։
 

Յուղոտ ձկնեղեն

Յուղոտ ձուկը հարուստ է Omega 3-ով, որի 200 գրամը բավական է օրական մարդու օրգանիզմին անհրաժեշտ պաշարը լրացնելու համար։

Հարցեր, պատասխաններ, մեկնաբանություններ