Առավոտյան էլիքսիր՝ ամուր իմունիտետի համար. կիտրոն, քրքում և ջուր. tert.am

Առավոտյան օգտագործելով այս ըմպելիքը՝ կամրապնդեք իմունային համակարգն ու օրգանիզմից հեռու կպահեք մրսածությունը: Այս մասին գրում է  healthylivinghouse.com-ը` ներկայացնելով կիտրոնով և քրքումով պատրաստվող այդ ըմպելիքի բաղադրատոմսը:

Անհրաժեշտ բաղադրիչներ են.

• 1 բաժակ տաք ջուր, կարելի է ջրի փոխարեն օգտագործել նուշի կամ բրնձի կաթ,
• ¼ թեյի գդալ քրքում,
• կես կիտրոնի հյութ,
• մեկ պտղունց դարչին,
• ½ թեյի գդալ մեղր կամ պերճածաղկի օշարակ,
• 1 թեյի գդալ կոկոսի յուղ:

Ըմպելիքի պատրաստման համար անհրաժեշտ է բոլոր բաղադրիչները լցնել բաժակի մեջ և լավ խառնել: Քրքումը սովորաբար նստում է բաժակի հատակին, այդ պատճառով ըմպելուց առաջ պետք է կրկին խառնել ստացված թուրմը: Ըմպել՝ քանի դեռ տաք է:

Ըմպելիքի պատրաստման ժամանակ օգտագործվող ցանկացած բաղադրիչ օգտակար է առողջության համար: Քրքումն օգտակար է արթրիտի, սրտխփոցի, աղիքային գազերի, ստամոքսի փքվածության, ախորժակի պակասի, լյարդի և լեղապարկի հետ կապված խնդիրների ժամանակ:

Այն նաև դրական ազդեցություն է ունենում գլխացավերի, բրոնխիտի, թոքերի բորբոքման, ջերմության, դաշտանային ցավերի, քաղցկեղի, Ալցհեյմերի հիվանդության, երիկամային խանգարումների, հելմինտոզների բուժման ժամանակ:

Հարցեր, պատասխաններ, մեկնաբանություններ