Ինչպես երեկոյան ժամերին ազատվել շատակերությունից. 1in.am

Այս հոդվածով novosti-n.org-ը պարզում է, թե ինչու է ցանկություն առաջանում երեկոյան ժամերին ուտել և ինչպես հաղթահարել այդ վնասակար սովորությունը:

Ուտելու ռեժիմ

Երեկոյան ուտելու դեմ պայքարը պետք է սկսել ուտելու օրվա ռեժիմ հաստատելուց: Առավոտյան հարկավոր է օրգանիզմը լրացնել սպիտակուցի, ցելյուլոզայի, ածխաջրերի և ճարպերի պաշարով` հրաժարվելով մեկ բաժակ սուրճից: Առավոտյան կարելի է ուտել ձվածեղ, ձուկ կամ միս, շիլաներ, հացահատիկային փաթիլներ, կաթնաշոռ, պանրով և կարագով բուտերբրոդ, կաթով կամ մեղրով կանաչ թեյ:

Հարկավոր է օրվա ընթացքում ուտել հաճախակի` 2-3 ժամը մեկ, սակայն քիչ չափաքանակներով: Հավասարաչափ սնվելն ամբողջ օրվա ընթացքում թույլ կտա պահպանել նորմալ հորմոնային մակարդակ:

Հավասարակշռված և ճիշտ սննդակարգը պահպանեք նաև աշխատավայրում, օրվա ընթացքում ջուր խմեք այնքան, ինչքան ուզում եք, երբեք մի սահմանափակեք հեղուկի օգտագործումը:

Շատերին երեկոյան ժամերին ձգում է քաղցրը: Դրանից մի հրաժարվեք, սակայն թխվածքի և շոկոլադի փոխարեն կերեք կաթնաշոռ մեղրով, ընկույզով, չրով, ինչպես նաև յոգուրտ, կաթնային կոկտեյլ, մրգեր, բանջարեղեն և հյութեր:

Ուտելիքի վերջին ընդունումը պետք է լինի քնելուց երեք ժամ առաջ:

Ինչպես երեկոյան խաբել ստամոքսին

Փորձեք ուտելիքի մասին միտքը շեղել սիրելի գործով զբաղվելով: Կարելի է նաև ոտքով զբոսնել թարմ օդում կամ ոչ բարդ ֆիզիկական վարժություններ կատարել:

Ընթրիքից անմիջապես հետո մաքրեք ատամները: Բերանում մաքրության զգացողությունը ձեզ հոգեբանորեն կշեղի ուտելու ցանկությունից:

Եթե, համենայն դեպս, օրգանիզմն ուտելիք է պահանջում, խմեք մի բաժակ կեֆիր, տոմատի հյութ, ջուր լիմոնի փոքր կտորներով, կամ մեկ բաժակ կանաչ թեյ:

Գիշերն անկողնու մոտ դրեք ջուր, թեյ կամ կոմպոտ, այն դեպքի համար, երբ կարթնանաք և կուզենաք գնալ խոհանոց՝ ուտելու:

Զբաղվեք հոգեկան առողջությամբ: Ազատվեք վատ մտքերից, ձեզ պաշտպանեք նյարդային ցնցումներից, անհանգստություններից և տխրությունից: Անհրաժեշտության դեպքում դիմեք բժիշկ-հոգեբանի օգնությանը:

Հարցեր, պատասխաններ, մեկնաբանություններ