Մայոնեզ. փաստեր և առասպելներ ամենատարածված սոուսի մասին. 1in.am

Մայիսի 28-ին ամբողջ աշխարհը տոնում է մայոնեզի ծննդյան օրը: 1756 թ. այդ օրը ֆրանսիական Մաոն քաղաքում առաջին անգամ ստացան մայոնեզի սոուսը: Պատմությունը եղել է այսպես. յոթամյա պատերազմի ժամանակ, երբ անգլիացիները գրավել էին ֆրանսիական հողերը, դուքս Ռիշելիեյի զորքն ուտելիք չուներ: Բոլոր մթերքներից մնացել էր միայն բուսական յուղը, ձուն և կիտրոնը: Խոհարարը մտածեց դրանք խառնել իրար, և ստացվեց զարմանալիորեն համեղ սոուս, որն, ի պատիվ Մաոն քաղաքի, անվանեցին մայոնեզ:

bigpicture.ru-ն առաջարկում է ծանոթանալ նրա մասին տարածված մի քանի փաստերի և առասպելների հետ.

1. Առողջ ապրելակերպի սիրահարները նրա կողքով անցնում են, իսկ կուշտ ուտել սիրողներն այն ավելացնում են ամեն ինչի վրա: Մայոնեզը բարձր կալորիականությամբ սոուս է, որի պատրաստման համար օգտագործում են բուսական յուղ, ձվի դեղնուց, քացախ կամ լիմոնի հյութ, շաքար, աղ, մանանեխ և համեմունք։

2. Մայոնեզը վնասակար չէ օրգանիզմի համար, քանի որ 60%-ը բաղկացած է բուսական յուղից, և մեզ ապահովում է յուղի անհրաժեշտ քանակով։

3. Ինչքան շատ դեղնուց է պարունակում տնային մայոնեզն, այնքան համեղ է, սակայն այն շատ արագ հնանում է և կորցնում համային որակը։

4. Մայոնեզն ունի շատ դրական ազդեցություններ, նպաստում է ուտելիքի յուրացմանը: Սակայն խանութի սոուսները, համենայն դեպս վնասակար են, քանի որ նրանց պատրաստման գործնթացում օգտագործում են համային, հոտային, խտացնող հավելումներ և վնասակար կոնսերվանտներ։

5. Քանի որ օրիգինալ մայոնեզը պարունակում է միայն դեղնուց և բուսական յուղ, այն չի կարելի եփել։

6. Մայոնեզ գնողները պետք է ուշադրություն դարձնեն ձվի դեղնուցի փոշու առկայության վրա, որը կարող է բացասական ազդեցություն թողնել մարդու օրգանիզմի վրա, քանի որ պարունակում է մեծ քանակությամբ խոլեսթերին։

7. Խորհրդային մարդկանց մայոնեզի նկատմամբ սիրո պատմությունն արմատներով գնում է մինչև 30-ական թվականներ: Այն ժամանակ Միկոյանը մեկնում է ԱՄՆ, փորձի փոխանակման համար և կոնսերվացված ոլոռի հետ այնտեղից բերում է նաև մայոնեզի արտադրության տեխնոլոգիան։

8. Բացի ուտելուց, մայոնեզը նաև օգտագործում են կոսմետիկայում: Այն հրաշալիորեն սնուցում և երիտասարդացնում է մաշկը:

Հարցեր, պատասխաններ, մեկնաբանություններ