5 համեմունք, որ չեզոքացնում են սուրճի վնասակար ազդեցությունը. tert.am

Կոֆեին պարունակող սննդատեսակների օգտագործումն այնքան էլ օգտակար չէ որոշ մարդկանց համար` հղիների, նյարդային բարձր լարվածություն ունեցողների և անքնությամբ տառապողների համար: Եթե սուրճից հրաժարվել չի լինում, կարելի է այն այնպես ընդունել, որ հնարավորինս վնաս չհասցնի օրգանիզմին:

Ինչպես գրում է fithacker.ru-ն` բնության մեջ կան այնպիսի համեմունքներ, որոնք կարող են չեզոքացնել  սուրճի  վնասակար ազդեցությունը:

1. Սև պղպեղ

Սև պղպեղի 1-2 հատիկը տաք սուրճի մեջ ավելացնելիս հակասեպտիկ  գործառույթ է կատարում: Պղպեղի հատիկներն օժտված են մարսողական համակարգը մաքրելու յուրատեսակ հատկությամբ:

2.  Հիլ

Եթերայուղ պարունակող հիլը սուրճին բնական բույր կհաղորդի և թեթև հանգստացնող ազդեցություն կունենա ստամոքսի համար: Սուրժի մեջ ավելի լավ է թարմ հիլ ավելացնել` փոշու տեսքով:

3. Մեխակ

Մեխակի մեկ հատիկը սուրճին յուրահատուկ բույր կհաղորդի և կօգնի նվազեցնել կոֆեինի վնասակար ազդեցությունը:

4. Դարչին

Սուրճի պատրաստման ժամանակ կարելի է և՛  դարչինի փայտիկ գցել, և՛ աղացած դարչինչի փոշի:

5. Կոճապղպեղ

Կոճապղպեղը հանգստացնող հատկություն ունի, հանում է սպազմը և ցավային ախտանիշները, ինչպես նաև՝ կիրառվում է որպես մարսողական համակարգի խթանիչ:

Հարցեր, պատասխաններ, մեկնաբանություններ