Նախադաշտանային համախտանիշի դեմ հատուկ սննդակարգ է մշակվել. news.am

Ավսրալիացի բժիշկը նախադաշտանային համախտանիշի դեմ արդյունավետ սննդակարգ է մշակել: Այն բաղկացած է հակաբորբոքային մթերքներից եւ հատուկ հավելումներից:

Նախադաշտանային համախտանիշն առկա է կանանց մեծամասնության մոտ: Դրա հիմնական ախտանշաններից են նյարդայնությունը, ախորժակի կորուստը, ցավը: Գեղեցիկ սեռի ներկայացուցիչներն այս երեւույթների դեմ պայքարում են ցավազրկողների, շոկոլադի եւ ջերմակների միջոցով:

Սակայն բժիշկ Լարա Բրայդենն արդյունավետ սննդակարգ է ստեղծել այս երեւույթների դեմ: Պետք է ընտրել այն մթերքները, որոնք չեն նպաստում բորբոքային գործընթացներին:

«Նյարդանանալն ու ախորժակի կորուստը համարվում են նախադաշտանային համախտանիշին ուղեկցող հիմնական երեւույթները, սակայն դրանք նորմա չեն, - նշում է բժիշկ Բրայդենը, - քսան տարվա ընթացքում հետեւել եմ սննդակարգի ազդեցությանը նախադաշտանային համախտանիշի վրա, եւ դա օգնել է ինձ մշակել այնպիսի սննդակարգ, որը կարող է օգնել ցանկացած կնոջ: Պետք է զերծ մնալ քաղցր եւ տապակած մթերքների օգտագործումից, ինչպես նաեւ մագնեզիումով եւ վիտամին B₆-ով հարուստ հավելումներ ընդունել»:

Նախաճաշի համար բժիշկը խորհուրդ է տալիս մեկ կամ երկու ձվով ձվածեղ, ինչպես նաեւ սպանախ կամ այծի պանրից ֆրիտատա: Այս ամենի հետ մեկտեղ կարելի է ջուր, սուրճ կամ թեյ օգտագործել: Կեսօրին կարելի է մի փոքր ընկուզեղեն ուտել, ավոկադո եւ կիտրոնի հյութ կամ թարմ մրգեր: Ճաշին կարելի է համտեսել կանաչ սալաթ՝ ապխտած սաղմոնով կամ սուշի՝ միսո ապուրով, իսկ երեկոյան խորհուրդ է տրվում տապակած հավ, բրոկոլի եւ բրինձ, ինչպես նաեւ կիտրոնով ջուր, մեկ բաժակ գինի կամ գարեջուր:

Հարցեր, պատասխաններ, մեկնաբանություններ