Սննդամթերքի ո՞ր տեսակներն են D վիտամին պարունակում. news.am

Գաղտնիք չէ, որ օրգանիզմի նորմալ գործունեության համար D վիտամինի առկայությունը պարզապես անհրաժեշտություն է: Չափահաս մարդու օրգանիզմն ամեն օր 5-10 մկգ D վիտամինի կարիք է զգում, իսկ ակտիվ աճի տարիքում գտնվող երեխաների մոտ պահանջն ավելի է մեծ է՝ օրական 10 մկգ-ից ավելի:

Հավանաբար գիտեք, որ D վիտամինն օրգանիզմում արեւի ճառագայթների ազդեցությամբ է սինթեզվում: Սակայն տեղյա՞կ եք արդյոք, որ այն կարող է նաեւ սննդամթերքի որոշ տեսակներից փոխանցվել: Այս մասին տեղեկացվածությունը հատկապես աշնանային եւ ձմեռային ամիսների համար է արդիական, երբ ցերեկային ժամերի տեւողության կրճատման հեեւանքով նաեւ վիտամինի՝ օրգանիզմում տեղի ունեցող բնական սինթեզի ծավալներն են կրճատվում:

NEWS.am Medicine-ի խմբագրությունը սննդամթերքի հետեւյալ՝ D վիտամինի բաղադրությամբ աչքի ընկնող տեսակների ցանկն է ներկայացնում, որի բաղադրիչներն աշնանն ու ձմռանը պետք է սննդակարգի պարտադիր մասը կազմեն՝ օրգանիզմում վիտամինի առկա պակասը լրացնելու համար.

D վիտամինի բաղադրությունը՝ 100 գրամում.

• ծովատառեխ – 294-1676 մգ,
• սաղմոն (պահածոյացված) – 200-800 մգ,
• սկումբրիա – 304-405 մգ,
• ձվի դեղնուց– 45-390 մգ,
• ընտանի թռչունի լյարդ – 55 մգ,
• թթվասեր – 50 մգ,
• տավարի լյարդ – 45 մգ,
• խոզի լյարդ – 44 մգ,
• սերուցքային կարագ – 10-150 մգ,
• կաթ – 2-10 մգ:

Հարցեր, պատասխաններ, մեկնաբանություններ