Բրիտանացի հայտնի սրտաբանը կոչ է անում արգելել սերուցքային կարագի օգտագործումը

Բրիտանացի առաջատար սրտաբան և վիրաբույժ Շիամ Կոլվեկարը, ով աշխատում է Լոնդոնի համալսարանական քոլեջի հիվանդանոցում, կարծում   է, որ սերուցքային կարագի օգտագործման արգելքը կօգնի հազարավոր բրիտանացիներին վաղաժամ մահից:

Նա հաստատում է, որ միայն այդպիսի ծայրահեղ  միջոցն է ունակ իջեցնելու ինֆարկտների և ինսուլտների աճող թիվը, որին հաճախ զոհ են գնում բավականին  երիտասարդ անձինք:

Սրտաբանը զգուշացնում է   բարձր պարունակությամբ  հագեցած ճարպերով մթերքի օգտագործման վտանգի մասին և խորհուրդ է տալիս ավելի քիչ միս ուտել, խմել յուղազրկված կաթ, նաև սնունդը պատրաստել արևածաղկի կամ ձիթապտղի ձեթով: Շատ հաճախ հնարավոր է սրտի վիրահատությունը կանխել, եթե պացիենտն օգտագործի քիչ քանակով հագեցած ճարպեր ու  պահպանի  սննդակարգ:

Վիճակագրությունը վկայում է, որ մեծահասակներն ամսեկան միջինում օգտագործում են 800 գ այդպիսի ճարպեր, ինչը 20%-ով ավելի է հանձնարարվող նորմայից: Բժիշկների կարծիքով, այս ցուցանիշների նվազումը մինչև նորմայի սահմաններում, ամեն տարի կարող է փրկել 3,5 հազար կյանք:

Սրտաբանի հայտարարությունը զայրույթ է առաջացրել Բրիտանիայի ֆերմերների շրջանում: Նրանք գտնում են, որ «գոյություն ունեն բազմաթիվ փաստարկներ, որ կաթն ու կարագը պարունակում են մարդու համար անհրաժեշտ հանքանյութեր»: 

Հարցեր, պատասխաններ, մեկնաբանություններ