Ուլտրաձայնային ալիքներով բուժումը կարող է թեթեւացնել Պարկինսոնի հիվանդությամբ տառապողների ջղաձգումները. news.am

Imperial College Healthcare NHS Trust-ի մասնագետները Պարկինսոնի հիվանդությամբ տառապողների վրա փորձարկել են էսենցիալ ջղաձգումների բուժման նոր մեթոդը: Այն թույլ է տալիս խուսափել ուղեղի ինվազիվ վիրահատությունից եւ նախատեսում է հիվանդի ուղեղի բջիջների վրա հատուկ ուլտրաձայնային ալիքների ներգործությամբ բուժում:

Նոր բուժումը փորձարկել են էսենցիալ ջղաձգումներով 20 հիվանդների շրջանում. խանգարումն առաջանում է վերջույթների չվերահսկվող ցնցման հետեւանքով: Միայն Մեծ Բրիտանիայում այս խանգարմամբ մոտավորապես 1 մլն մարդ է տառապում: Էսենցիալ ջղաձգությամբ տառապող մարդիկ ստիպված են կամ դեղեր ընդունել, կամ ինվազիվ միջամտության ենթարկվել, որի դեպքում վիրաբուժական ճանապարհով ուղեղում էլեկտրոդների իմպլանտացիա է կատարվում:

Նոր բուժումն ուղղված է թալամուսին՝ այն «կրակում» են բարձր ինտենսիվության ուլտրաձայնային ալիքներով: Ուլտրաձայնային ճառագայթները ջերմություն են գեներացնում, որը վերականգնում է ջղաձգություն առաջ բերող թալամուսի անոմալիաները: ԱՄՆ-ում եւ Ճապոնիայում այս մեթոդի հետազոտությունները մեծ արդյունավետություն են ցուցադրել: Ձայնային ալիքներով ներգործությունը կատարվում է տեղային անզգայացմամբ, իսկ միջամտությունը թույլ է տալիս առնվազն 80%-ով նվազեցնել ջղաձգումների ինտենսիվությունը:

Փորձագետները հույս ունեն այս տեխնիկան հետագայում օգտագործել ջղաձգութնուն առաջացնող այլ հիվանդությունների դեմ պայքարի գործընթացում, որոնց թվում են Պարկինսոնի հիվանդությունը եւ ցրված սկլերոզը:

Նոր թեստը կօգնի ախտորոշել աուտիզմով երեխաների տագնապային խանգարումը:

Հարցեր, պատասխաններ, մեկնաբանություններ