Արհեստական ենթաստամոքսային գեղձը կարող է հայտնվել արդեն 2018 թվականին. news.am

Արհեստական ենթաստամոքսային գեղձը, որն ինքնաբերաբար կստուգի արյան մեջ գլյուկոզայի մակարդակը եւ անհրաժեշտության դեպքում ինսուլին կներարկի, կարող է հայտնվել նաեւ կլինիկական պրակտիկայի մեջ մտնել արդեն 2018 թվականին: Սարքի մշակողները` University of Cambridge-ի գիտնականներն այդ մասին հայտնում են գիտական Diabetologia ամսագրի էջերում:

Սարքը նախատեսված է 1-ին տեսակի դիաբետով տառապող հիվանդների համար, ովքեր արդեն ստիպված չեն լինի կանոնավոր կերպով ծակծկել մատները եւ գլյուկոզայի նկատմամբ հետազոտություն իրականացնել, այնուհետև` ինսուլինի ներարկումներ: Սարքն ինքնուրույն կորոշի գլյուկոզայի խտությունը եւ կներարկի ինսուլինի անհրաժեշտ քանակությունը: 

Դիաբետով հիվանդները պետք է հետեւեն արյան մեջ գլյուկոզայի խտությանը, որպեսզի ժամանակին նկատեն հիպոգլիկեմիան կամ հիպերգլիկեմիան եւ շտկեն շաքարի մակարդակը, որը սովորաբար կախված է սննդից, ֆիզիկական ակտիվությունից եւ մի շարք այլ գործոններից:

Սարքը սկսել են փորձարկել կամավորների վրա. հիվանդներն ասում են, որ արհեստական ենթաստամոքսային գեղձն իրենց ազատում է գլյուկոզայի մակարդակի մշտական մոնիտորինգից:

Ներկայում դիաբետով հիվանդներին բուժման փորձարարական այլ մեթոդներ են առաջարկում, ինչպես օրինակ` բետա-բջիջների ներմուծում եւ ամբողջ ենթաստամոքսային գեղձի փոխպատվաստում: Վերջին մեթոդը կարող է բարելավել հիվանդների վիճակը, սակայն նրանց անհրաժեշտ է իմունոսուպրեսանտներ  ընդունել` կանխելու օրգանի վնասումը:  Արհեստական ենթաստամոքսային գեղձի տեղադրման դեպքում իմունոսուպրեսոր դեղեր չեն պահանջվում, իսկ օպերատիվ միջամտությունն այնքան էլ ծավալուն չէ:

Հարցեր, պատասխաններ, մեկնաբանություններ