Դեղերի 3D տպագրությունը թույլ կտա մի քանիսի փոխարեն մեկ հաբ ընդունել. news.am

Դեղերի ստեղծման նոր տեխնոլոգիան թույլ կտա հիվանդներին անհատապես համապատասխանող դեղեր ստեղծել: 3D տպիչով տպագրված մեկ դեղահաբում կպարունակվեն անհրաժեշտ չափաբաժիններն այն բոլոր դեղերի, որոնք անհրաժեշտ է ընդունել օրվա ընթացքում:

Հայտնի է, որ եռաչափ տպագրության օգնությամբ ստեղծված դեղեր արդեն թողարկվում են: Այսպես, ԱՄՆ-ում արդեն սկսել են այդ եղանակով տպագրել եւ վաճառել սպիրտամ` երեխաների մոտ էպիլեպտիկ նոպաների դեմ պայքարի միջոց: Իսկ միանգամից մի քանի դեղի  փոխարինող դեղահաբ ստեղծել առայժմ չէր հաջողվում:

Սինգապուրի ազգային համալսարանի (National University of Singapore) հետազոտողները հատուկ ծրագիր են մշակել, որը վերլուծում է, թե հիվանդն ինչ դեղեր է ընդունելու եւ ինչ չափաբաժնով: Այդ տեղեկությունների հիման վրա տպագրվում է անհրաժեշտ դեղերով հիմնակմախքը: Դրանից հետո դեղահաբը ծածկվում է լրացուցիչ պաշտպանական շերտով: 

Երբ հիվանդը կուլ է տալիս դեղը, արտաքին թաղանթն աստիճանաբար ավերվում է, իսկ դեղերը սկսում են հասնել օրգանիզմին: Հիմնակմախքի կառուցվածքի շնորհիվ դեղերը միաժամանակ չեն բաց թողնվում:

Ի դեպ, առայժմ վաղ է խոսել նման դեղահաբերի օգտագործման մասին, ներկայումս մշակողները հովանավորներ են փնտրում այդ դեղերի արտադրության համար:

Հարցեր, պատասխաններ, մեկնաբանություններ