Գազով լցված փուչիկները կարող են սննդակարգից եւ սպորտից ավելի լավ օգնել նիհարելուն. news.am

Գազով լցված փուչիկներ կուլ տալը ճարպակալմամբ մարդկանց օգնում է կրկնակի արդյունավետ պայքարել ավելորդ կիլոգրամների դեմ, քան սննդակարգերը եւ սպորտը: Այդ մասին պատմել է ամերիկացի բժիշկ Շելբի Սալիվանը Ջորջ Վաշինգթոնի համալսարանի բժշկական դպրոցից Սան Դիեգոյում Մարսողական հիվանդությունների ամենամյա շաբաթին իր զեկույցում: 

Գազով լցված փուչիկների օգնությամբ մարմնի զանգվածի 30-40 ինդեքս (ՄԶԻ) ունեցող մարդիկ կես տարում միջինը կորցրել են մարմնի զանգվածի 7 տոկոսը: Հիվանդների մոտ նաեւ բարելավվել են այնպիսի ցուցանիշներ, ինչպիսիք են արյան ճնշումը եւ խոլեսթերինի մակարդակը: Համեմատության համար, վերահսկիչ խմբի հիվանդները կորցրել են մարմնի զանգվածի մոտավորապես 4 տոկոսը:

Գիտնականների կարծիքով, գազով լցված փուչիկների օգտագործումը կարող է հիվանդներին օգնել կորցնելու մարմնի զանգվածի մինչեւ կեսը: Հետազոտությունը, որի մասին հայտնում է բժիշկ Սալիվանը, հիմնված է 387 հիվանդի դիտարկման վրա (ներառյալ վերահսկիչ խումբը):

Կես տարվա ընթացքում մասնակիցներին առաջարկվել է երեք շաբաթը մեկ մեկական պատիճ կուլ տալ, որը հետո լցվել է գազակերպ ազոտով (250 մ³ ծավալով) հատուկ ձողի միջոցով: Մասնակիցներին չեն հայտնել, թե իրենց ինչպիսի պատիճ է բաժին ընկել: 

Գազային փուչիկներ օգտագործած մասնակիցները միջինը նիհարել են 6,81 տոկոսով, մինչդեռ վերահսկիչ խմբում զանգվածի միջին կորուստը կազմել է 3,59 տոկոս: Ընդհանուր առմամբ, նպատակային խմբում նիհարածների թիվը երկու անգամ ավելին է եղել, քան` վերահսկիչում:

Հարցեր, պատասխաններ, մեկնաբանություններ