Ֆրանսիացի վիրաբույժներն առաջին անգամ երիկամ են փոխպատվաստել հեշտոցային ճանապարհով. 1in.am

Ֆրանսիացի բժիշկներին հաջողվել է աշխարհում առաջին անգամ հեշտոցային ճանապարհով երիկամի փոխպատվաստում կատարել բժշկական ռոբոտի օգնությամբ: Այդ մասին հայտնել է Թուլուզի համալսարանային բժշկական կենտրոնը, հայտնում է rosbalt.ru-ն:

44-ամյա Վալերի Պերեզը իր երիկամը տվել է քրոջը` 43-ամյա Բեատրիսին: Վիրաբույժը հայտնել է, որ վիրահատության ընթացքում ռոբոտը իրականացրել է ընդամենը 5 ներքին կտրվածք` յուրաքանչյուրը 8 մմ չափով: Փոխպատվաստված երիկամը սկսել է աշխատել վիրահատությունից 2 ժամ անց:

Դոնորը 2 օրից դուրս է գրվել հիվանդանոցից, իսկ նրա քույրը` 4 օրից: Վիրահատող բժիշկը նշել է, որ նախքան վիրահատության հաջողության մասին հայտնելը նա 1 ամիս հետևել է հիվանդին ու դոնորին:

Հարցեր, պատասխաններ, մեկնաբանություններ