Աչքի նոր իմպլանտը միանգամից վերականգնում է կույրերի տեսողությունը

Իսրայելցի գիտնականները ստեղծել են հեղափոխական մի սարք, որն ունակ է միանգամից վերականգնել կույրերի տեսողությունը, գրում է Daily Mail-ը:

Bio Retina կոչվող աչքի նոր իմպլանտը վերկանգնում է տեսողությունը` հնարավորություն տալով կույրերին առանց ակնոցների կամ համակարգչային սարքավորումների սև ու սպիտակ տեսնել իրենց շրջապատը: Bio Retina-ն տարբերվում է ներկայում կիրառվող նմանատիպ իմպլանտներից նրանով, որ վերականգնում է տեսողությունը վիրահատությունից անմիջապես հետո և չի պահանջում ակնոցներ և համակարգչային հատուկ սարքեր:

Բացի այդ, այդ իմպլանտները տեղադրվում են 6 ժամանոց վիրահատությամբ, որի ընթացքում ոչ թե տեղային այլ ընդհանուր անզգայացում է կատարվում: Սակայն Bio Retina-ն տեղադրելու համար պահանջվում է ընդամենը 30 րոպե տևողությամբ վիրահատություն, որի ընթացքում կիրառվում է միայն տեղային անզգայացում, ինչից հետո կտրվածք է կատարվում աչքի ցանցաթաղանթի մեջ և սոսնձի միջոցով ամրացվում է իմպլանտը:

Bio Retina-ի նախնական օրինակն արդեն պատրաստ է, իսկ կլինիկական փորձարկումներն կսկսվեն արդեն 2013թ.-ին:
Մասնագետները նշում են, որ սարքը կօգնի վերականգնել հիմնականում ծերության արդյունքում գլաուկոմա և կատարակտ ձեռք բերածների տեսողությունը:

Հարցեր, պատասխաններ, մեկնաբանություններ