ԱՄՆ բժիշկներն առաջին անգամ ցողունային բջիջները կիրառել են թերապևտիկ նպատակներով

Ամերիկացի բժիշկները էմբրիոնի էմբրիոնի (դեռևս չձևավորված պտուղ կամ պտղաձու) ցողունային բջիջներ են ներարկել ողնաշարի վնասվածք ունեցող հիվանդին, հաղորդում է ՌԻԱ Նովոստին՝ հղում անելով USA Today-ին:

Ցողունային բջիջների առաջին փոխպատվաստումը տեղի է ունեցել Ատլանտա նահանգում գտնվող Շեֆերդ-կենտրոնում, որը կառավարության թույլտվությամբ մասնագիտանում է գլխուղեղի և ողնուղեղի հիվանդությունների ուղղությամբ: Հիվանդի անունը չի հրապարակվում:

Փորձի ընթացքում ողնաշարի վնասվածքով հիվանդին 7-14 օրվա ընթացքում չափաբաժիններով երկու միլիոն աճեցրած ցողունային բջիջներ կներարկվեն, որոնք, ինչպես ակնկալվում է, ինտեգրվում են նրա սեփական հյուսվածքներում, ինչն արդյունքում պետք է վերականգնի վնասվածքի հետևանքով ողնաշարի խախտված գործունեությունը։

Սաղմնային ցողունային բջիջների կիրառմամբ հետազոտություններն ու փորձերը միանշանակ չեն ընկալվում ԱՄՆ-ում և աշխարհում։

ԱՄՆ դատարանն օգոստոսին ժամանակավորապես դադարեցրել է մարդու սաղմի ցողունային բջիջների հետազոտությունների ֆինանսավորումը դաշնային բյուջեից։

ԱՄՆ նախագահ Բարաք Օբաման 2009 թվականի մարտին չեղյալ է հայտարարել 2001 թվականին Ջորջ Բուշ կրտսերի՝ այս հետազոտությունների մտցրած արգելքն ։

Հունիսին երկու հետազոտող որոշ մարդասիրական կազմակերպությունների աջակցությամբ վիճարկել են այդ որոշումը դատարանում, ապացուցելով, որ սաղմնային ցողունային բջիջների հետ աշխատանքը հանգեցնում է մարդկային սաղմների ոչնչացմանը։ Ըստ ամերիկյան օրենսդրության, պետությունը չի կարող ֆինանսավոևել նման նախագծեր։ Տվյալ հետազոտությունը հովանավորում են մասնավոր ներդրողները։

Հարցեր, պատասխաններ, մեկնաբանություններ