Կոնտակտային ոսպնյակները կօգնեն հետեւել շաքարախտով հիվանդների օրգանիզմում գլյուկոզայի մակարդակին. news.am

Oregon State University-ի գիտնականները հատուկ կոնտակտային ոսպնյակներ են մշակում շաքարախտով հիվանդների համար: Ոսպնյակները հագեցած կլինեն թափանցիկ, տեսողությանը չխանգարող սենսորով, որը հիվանդների արցունքահեղուկում կանոնավոր կերպով կչափի գլյուկոզայի մակարդակը՝ նրանց ազատելով օրական մի քանի անգամ արյան հետազոտություն կատարելու անհրաժեշտությունից:

Ոսպնյակները կկարողանան ստացած տեղեկությունները իրական ժամանակահատվածում փոխանցել ինսուլինային պոմպին, որը կարգավորում է արյան մեջ ինսուլինի մատակարարումը: Այդպիսով, սենսորն ու պոպմը միասին կաշխատեն՝ ինչպես արհեստական ենթաստամոքսային գեղձը: Սենսորը նաեւ կարող է գլյուկոզայի մակարդակի մասին տեղեկություն հաղորդել հիվանդի սմարթֆոնին, որպեսզի նա մշտապես իր վիճակի մասին տեղեկություն ունենա:

Նոր ոսպնյակների հեղինակները ցուցադրել են, որ տվիչն արձագանքել է միայն գլյուկոզայի խտության փոփոխությանը, իսկ հեղուկի մեջ ավելացված այլ կոմպոնենտները նրա աշխատանքի վրա չեն ներգործել:

Գրեգ Հերմանը պարզաբանել է, որ ապագայում այդպիսի սենսորները կարելի է օգտագործել արցունքահեղուկում այլ նյութերին, օրինակ՝ սթրեսի հորմոնին հետեւելու համար: Դրանց օգնությամբ նաեւ կարելի է չափել ուռուցքային կենսամարկերների խտությունը, որն անչափ օգտակար կլինի քաղցկեղն ախտորոշելիս:

Հեղինակների պարզաբանմամբ՝ ոսպնյակի հիմնական կոմպոնենտը հելիումի, ինդիումի եւ ցինկի ամորֆ օքսիդից նանոկառուցվածքային կիսահաղորդիչ սարքն է (IGZO FET), որի արժեքը մեծ չէ, իսկ այն ստանալը դժվար չէ. հետազոտողները սպնյակների սենսորները պատրաստել են կոլոիդային վիմատպության եւ էլեկտրահիդրոդինամիկական տպագրության միջոցով:

Հարցեր, պատասխաններ, մեկնաբանություններ