Ճապոնիայում սովորել են մեզի հետազոթությամբ ախտորոշել քաղցկեղը. news.am

Ճապոնացի գիտնականներն առաջին անգամ մեզի հետազոթության օգնությամբ քաղցկեղային մի քանի հիվանդություն ախտորոշելու մեթոդ են մշակել: Այդ մասին հայտնել է Hitachi ընկերությունը, որը Sumitomo ընկերության հետ միասին իրականացնում է այդ հետազոտությունը:

«Փորձարկումների ընթացքում մեզ հաջողվեց առանձնացնել մեզում պարունակվող 1300 նյութից 10-ը, ներառյալ` շաքարը եւ լիպիդները, որոնց շնորհիվ հնարավոր է որոշել քաղցկեղի առկայությունը` համեմատելով հիվանդ եւ առողջ մարդու հետազոտությունները», - նշված է ընկերության հայտարարության մեջ: Ախտորոշման մեթոդները համապատասխանում են կրծքի եւ հաստ աղիքի քաղցկեղով հիվանդներին:

Առաջին հետազոտությանը 30 մարդ է մասնակցել: Մոտ ժամանակներս Hitachi-ն եւ Sumitomo-ն` բժշկական մի քանի հաստատության աջակցությամբ կրկնակի փորձարկում կանցկացնեն 200 մարդու մասնակցությամբ, հայտնում է ՏԱՍՍ-ը: 

Ճապոնացի գիտնականները կարծում են, որ ախտորոշման նման մեթոդն առավել հեշտ է հենց հիվանդների համար, արյան հետազոտությունների, ֆլուորոգրաֆիայի կամ ռենտգենի համեմատությամբ: Նրանք հույս ունեն մի քանի տարի անց այն ներդնել ամբողջ երկրում:

Հարցեր, պատասխաններ, մեկնաբանություններ